ភ្ញាក់ផ្អើល! រូបអាល់ប៊ុមថ្មីរបស់ Taylor Swift ស្រដៀងគ្នាទៅនឹង G-Dragon?

2017-08-25 09:05:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈអ្នកគាំទ្រនាងកំពុងតែសប្បាយចិត្តនឹងការស្ដាប់ចម្រៀងរបស់ Taylor Swift ដែលទើបនឹងចេញ ស្រាប់តែមានរឿងមួយទៀតដែលធ្វើឲ្យមនុស្សមួយចំនួនភ្ញាក់ផ្អើលផងដែរ គឺរូបភាពផ្សព្វផ្សាយអាល់ប៊ុមថ្មីរបស់នាង និងតារាកូរ៉េ G-Dragon គឺពិតជាស្រដៀងគ្នាខ្លាំង។

ភាពស្រដៀងគ្នារបស់អាល់ប៊ុមទាំងពិរ

គម្របអាល់ប៊ុមរបស់ Taylor Swift

គម្របអាល់ប៊ុម G-Dragon

ចំណុចដែលគួរឲ្យកត់សម្គាល់ គឺការប្រើប្រាស់ពុម្ពអក្សរដូចគ្នា ហើយអ្នកទាំងពីរក៏មានអក្សរសរសេរនៅលើមុខដូចគ្នា ម្យ៉ាងវិញទៀត Taylor បានប្រើប្រាស់ពណ៌បី គឺ ក្រហម ខ្មៅ និងស សម្រាប់ការផ្សព្វផ្សាយលើអ៊ីនធឺណិត ដែលនេះមិនខុសពីពណ៌ដែល G-Dragon បានប្រើប្រាស់នោះទេ។

វាគឺពិតជាគួរឲ្យភ្ញាក់ផ្អើលខ្លាំងណាស់ដែលតារាល្បីលោកខាងលិច បានប្រើប្រាស់យុទ្ធសាស្ត្រស្រដៀងគ្នា និយាយរួមគឺគំនិតច្នៃប្រឌិតស្រដៀងគ្នានឹងតារា K-Pop។

ទាំងនេះគ្រាន់តែអ្នកគាំទ្រគិតច្រើនពេកទេដឹងថា អ្នកទាំងពីរអាចនឹងមានអ្វីទាក់ទងគ្នា ឬក៏មានចម្រៀងជាមួយគ្នាក៏មិនដឹង? អ្នកគាំទ្រជាច្រើនសុទ្ធតែរំភើប និងកំពុងតែចង់ដឹងកាន់តែច្បាស់ពីហេតុការណ៍នេះផងដែរ។

នេះមិនមែនជាលើកទី១ទេ ដែល Taylor Swift ត្រូវបានគេលើកឡើងថាប្រើយុទ្ធសាស្ត្រស្រដៀងនឹងតារា K-Pop ជាពិសេសតារាមកពីផលិតកម្ម YG តែម្ដង។ ពីដំបូងនោះគឺវីដេអូចម្រៀង "Bad Blood" ដែលចេញក្នុងឆ្នាំ ២០១៥ ត្រូវបានអ្នកគាំទ្រនិយាយថាស្រដៀងនឹងវីដេអូចម្រៀង "COME BACK HOME" របស់កំពូលក្រុមចម្រៀងកូរ៉េ 2NE1 ដែលចេញក្នុងឆ្នាំ ២០១៤៕

អានអត្ថបទ៖

ប្រភព៖ sbs ប្រែសម្រួល៖ ធារ៉ូ