តារាចម្រៀងម្នាក់សារភាពថា ធ្លាប់ឲ្យលុយ Zayn Malik ចាយជាហូរហែពេលមិនទាន់ល្បី

2017-08-25 02:14:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Rebecca Ferguson បានលើកឡើងពីទំនាក់ទំនងរយៈពេលខ្លីរបស់ខ្លួននិងតារាចម្រៀងអតីតសមាជិកក្រុម One Direction លោក Zayn Malik។

តារាចម្រៀង Rebecca Ferguson

Rebecca Ferguson ក្នុងកម្មវិធី "Loose Women”

ថ្មីៗនេះនាងបានចូលរួមកម្មវិធីមួយមានឈ្មោះថា "Loose Women” របស់ប៉ុស្តិ៍ទូរទស្សន៍អង់គ្លេស ITV។ ពេលនោះតារាចម្រៀងវ័យ ៣១ឆ្នាំនេះបានជជែកពិភាក្សាអំពីប្រធានបទដែលនិយាយអំពី មនុស្សប្រុសមានជំនឿថាមនុស្សស្រីភាគច្រើនចាប់អារម្មណ៍តែលើទ្រព្យសម្បត្តិ។

Rebecca Ferguson និង Zayn Malik កាលទាក់ទងគ្នា

ស្រាប់តែពេលនោះនាងក៏បានចាប់ផ្ដើមនិយាយ ពីពេលនាងទាក់ទងជាមួយ Zayne កាលពីឆ្នាំ ២០១១ ដែលពេលនោះគេទើបតែមានអាយុ ១៨ឆ្នាំតែប៉ុណ្ណោះ ចំណែកឯ Rebecca មានអាយុ ២៤ឆ្នាំហើយព្រមទាំងមានកូន២ទៀតផង។ ហើយដោយសារតែនាងមានអាយុច្រើនជាងដូច្នេះ នាងតែងតែចំណាយលុយលើ Zayn ជាញឹកញាប់ ស្របពេល Zayn កំពុងតែចូលរួមកម្មវិធី X-Factor ដែលត្រូវចំណាយលុយយ៉ាងច្រើន។

សម្រាប់ពេលនេះ Zayn មិនទាន់មានអ្វីឆ្លើយតបនឹងការបង្ហាញរបស់តារាចម្រៀងរូបនេះទេ៕

អានអត្ថបទ៖

ប្រភព៖ Dailymail ប្រែសម្រួល៖ ធារ៉ូ