អត្ថន័យបង្កប់ទាំង១៣ក្នុងវីដេអូចម្រៀងថ្មីរបស់ Taylor Swift

2017-08-29 03:42:51
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូចម្រៀងថ្មីពីកំពូលតារាចម្រៀង Taylor Swift បានបំបែកឯកត្តកម្មរួចទៅហើយជាបទចម្រៀងដែលមានអ្នកចូលមើលច្រើនបំផុតក្នុងរយៈពេល ២៤ម៉ោងគឺដល់ទៅជាង៣០លានដងឯណោះ។

ចំនួននេះគឺច្រើនជាងកំណត់ត្រារបស់ Adele បទ "Hello” ដែលមានអ្នកទស្សនា ២៧,៧លានដងក្នុងរយៈពេល២៤ម៉ោង។

មូលហេតុដែលធ្វើឲ្យមានអ្នកចូលទស្សនា MV របស់ T Swift យ៉ាងច្រើនបែបនេះគឺដោយសារតែ Concept និងការច្នៃប្រឌិតរបស់អ្នកដឹកនាំសម្ដែងក៏ដូចជាសម្រស់ស្រស់ស្អាតពី Taylor ធ្វើឲ្យអ្នកទស្សនាចង់មើលម្ដងហើយម្ដងទៀត។ មិនត្រឹមតែប៉ុណ្ណោះអត្ថន័យនៃការសម្ដែងវីដេអូនេះគឺមានសារបង្កប់ជាច្រើន ធ្វើឲ្យកាន់តែគួរឲ្យចាប់អារម្មណ៍ខ្លាំងមិនធម្មតា៕

ហើយនេះជាចំណុចពិសេសៗទាំង១៣ដែលអ្នកអាចនឹងមិនដឹងពី MV នេះ៖

១. ឈ្មោះ Nils Sjoberg នៅលើផ្នូរខ្មោច

ឈ្មោះ Nils Sjoberg គឺជាឈ្មោះប្រើសម្រាប់ដាក់ជា Credit ក្នុងបទ "This Is What You Came For” របស់អតីតសង្សារ Calvin Harris កាលពីឆ្នាំ ២០១៦។ ហើយក្រោយពីដឹងថាបទនេះតាមពិតគឺស្នាដៃនិពន្ធរបស់ Taylor Swift រឿងរ៉ាវជម្លោះមួយក៏បានកើតឡើងរហូតដល់ថ្នាក់ប្ដឹងផ្ដល់ទៀតផង។

២. សំលៀកបំពាក់ពី MV បទ "Out of the Woods”

ពេលវីដេអូចម្រៀងនេះចាប់ផ្ដើម Taylor វាចេញពីក្នុងផ្នូរលក្ខណៈជាខ្មោច Zombie ដោយមានសំលៀកបំពាក់ដែលនាងស្លៀកពាក់ក្នុងបទ "Out of the Woods”។ នេះគឺដើម្បីកំណត់ថា សម័យកាលសម្រាប់អាល់ប៊ុម "1989” គឺត្រូវបានបញ្ចប់ហើយ ព្រោះវីដេអូចម្រៀងនោះគឺជាវីដេអូចម្រៀងចុងក្រោយ។ ហើយ Taylor ក្នុងលក្ខណៈជាខ្មោចជាក៏ជាការឧទ្ទិសដ៏ល្អមួយដល់វីដេអូចម្រៀង "Thriller” របស់ Michael Jackson ផងដែរ។

៣. សំលៀកបំពាក់ពី Met Gala ឆ្នាំ ២០១៤

សំលៀកបំពាក់ដែលនាងបានស្លៀកខណៈពេលដេកនៅក្នុងផ្នូរគឺជាឈុត Oscar de la Renta ដែលនាងបានស្លៀកកាលចូលរួម Met Gala ឆ្នាំ ២០១៤។ ពេលនោះនាងបាននិយាយថា នាងដូចជាសុបិនពេលថ្ងៃអីចឹង ពេលបានពាក់ឈុតនេះគឺពិតជាពេញចិត្តខ្លាំង។

៤. លុយ ១ដុល្លារនៅក្នុងអាងងូតទឹកដែលពោរពេញដោយគ្រឿងពេជ្រ

Taylor បានងូតពេជ្រតែម្ដងក្នុងឈុតនេះ ប៉ុន្ដែគេសង្កេតឃើញមានលុយ១ដុល្លារមួយសន្លឹកនៅទីនោះដែរ ដែលលុយនោះគឺបានមកពីការឈ្នះក្ដីជាមួយនឹង DJ David Mueller ថ្មីៗនេះករណីលោកចាប់កំប៉េះគូទរបស់នាង។

៥. ពាក្យ "Et Tu Brute” នៅលើបល្ល័ង្កពណ៌មាសរបស់នាង

ឃ្លា "Et Tu Brute” នេះគឺជាឃ្លាមួយដកស្រង់ពីសៀវភៅ Julius Caesar របស់អ្នកនិពន្ធ William Shakespeare។ ឃ្លាដ៏ល្បីនេះត្រូវបានថ្លែងដោយ Caesar ផ្ទាល់តែម្ដងពេលដែលត្រូវអតីតមិត្តខ្លួនចាក់ពីក្រោយខ្នង។

៦. សត្វពស់ចាក់តែឲ្យ Taylor

នេះជាឈុតឆាកដ៏គួរកត់សម្គាល់មួយដែលពស់គឺជា សត្វដែល Taylor បានបង្ហាញ Concept តាំងពីថ្ងៃប្រកាសការត្រលប់មកវិញដំបូងមកម្ល៉េះ។

៧. Taylor តែងខ្លួនស្រដៀងនឹង Katy Perry

ឈុតនេះ Taylor បានជិះឡានទំនើបមួយគ្រឿងដែលស្រដៀងនឹងឡានដែល Katy ជិះក្នុងបទ "Wake Up in Vegas”។ ហើយនាងក៏បានស្លៀកពាក់សំលៀកបំពាក់ឈុតខ្លា ដែលនេះយកចេញពីបទ "Roar” របស់ Katy ផងដែរអ្វីដែលមិនគួរឲ្យជឿនោះគឺនាងក៏មានសត្វខ្លារខិនផ្ទាល់ខ្លួនមិនឲ្យចាញ់ Katy ទេ។ ហើយ Taylor ក៏ឌឺដង Katy កប់ៗដោយកាន់ពានរង្វាន់ Grammy ដែល Katy មិនដែលឈ្នះសោះ។

៨. Taylor ចូលប្លន់ "Stream Co” ជាមួយមិត្តភ័ក្ដិ

ឈុតនេះគឺបញ្ជាក់ពីបញ្ហានានារបស់នាងជាមួយនឹងក្រុមហ៊ុន Streaming Service ជាច្រើនដូចជា Spotify, Tidal ជាដើម ប៉ុន្តែពេលនេះគឺលែងមានបញ្ហាអ្វីហើយ។

៩. Taylor ប្រមូលផ្ដុំតារាម៉ូដែលនៅ Squad U

នេះគឺដោយសារតែ Taylor ល្បីល្បាញខ្លាំងដោយមានមិត្តភ័ក្ដិជាតារាម៉ូដែលជាច្រើនព្រមទាំងមានឈ្មោះសម្គាល់ថា "Taylor Squad” ទៀតផង។ នេះអាចបង្ហាញថានាងមិនសូវជាមានមោទនភាពនឹងរឿងនេះប៉ុន្មានទេ ឫក៏បង្ហាញថានាងរាប់អានជាមួយមនុស្សក្លែងក្លាយ "Fake People”។

១០. អាវដែលមានពាក្យ "I Heart TS”

ត្រង់កន្លែងនេះគឺនាងឌឺចំៗទៅអតីតសង្សារ Tom Hiddleston តែម្ដង ដោយតារារូបនេះធ្លាប់មានសាក់ក្លែងក្លាយនៅដៃខ្លួនសរសេរបែបនេះ បង្ហាញអ្នកកាសែត។

១១. Taylor ឈរនៅលើគំនរពោរពេញដោយ Taylor ចាស់ៗ

ក្នុងនោះអ្នកនឹងឃើញ Taylor Swift ពីមុនៗ ដូចជាអ្នករាំ Bellet ពីបទ "Shake If Off” អ្នកលេងសៀកពីតន្ត្រីទេសចរណ៍ Red ព្រមទាំង Taylor ពីបទ "You Belong With Me” ទៀតផង។

១២. ឈ្មោះរបស់មិត្តជិតស្និទ្ធរបស់នាងបង្ហាញខ្លួនលើវីដេអូ

នៅលើអាវយឺតដែលនាងពាក់ពីបទ "You Belong With Me” គឺមានសរសេរឈ្មោះមិត្តជិតស្និទ្ធរបស់នាងជាច្រើនដូចជា Gigi [Hadid], Martha [Hunt], Abigail [Anderson], Blake [Lively], Ryan [Reynolds], Claire [Kislinger], Ed [Sheeran], Selena [Gomez], Lena [Dunham], Este [Haim], Danielle [Haim], Alana [Haim] and Todrick [Hall] ជាដើម។

១៣. នាងបាននិយាយឃ្លាល្បីៗដែលធ្លាប់ចុះព័ត៌មាន

សម្រាប់ឃ្លាដែលនាងនិយាយថា "I'd very much like to be excluded from this narrative," គឺនៅពេលនាងមានជម្លោះជាមួយ Kayne West និង Kim Kardashian ចំពោះបទចម្រៀង “Famous”។

អានអត្ថបទ៖

ប្រភព៖ rollingstone ប្រែសម្រួល៖ ធារ៉ូ