Katy Perry និយាយដាក់ Selena អ្វីខ្លះក្រោយនាងចូលពេទ្យ?

2017-09-20 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាចម្រៀង Katy Perry បានបញ្ចេញមតិទៅលើរូបថតដែល Selena Gomez បង្ហោះលើ Instagram ខណៈពេលនាងចូលមន្ទីរពេទ្យ ដើម្បីធ្វើការវះកាត់ប្ដូរក្រលៀនជាមួយមិត្តភ័ក្ដិនាង ឈ្មោះ Francia Raisa។

តារាវ័យ ៣២ឆ្នាំរូបនេះបាននិយាយថា៖ "ស្រលាញ់បេះដូងនិងភាពស្មោះត្រង់របស់អ្នក" ទៅលើរូបភាពនោះដែលបានបង្ហោះកាលពីថ្ងៃទី ១៤ ខែកញ្ញា។

Katy និង Selena ស្គាល់គ្នាអស់រយៈពេលជាច្រើនឆ្នាំមកហើយ ទោះបីជាមានបញ្ហាជាច្រើនទាក់ទងនឹង Taylor Swift ឫតារាសម្ដែង Orlando Bloom ក៏ដោយក៏អ្នកទាំងពីរមិនដែលមានជម្លោះអ្វីធំដុំនោះឡើយ។

កាលពីឆ្នាំ ២០១៥ នៅក្នុងវីដេអូចម្រៀង “Bad Blood” របស់ Taylor Swift ដែលជាបទចម្រៀងបកស្រាយពីជម្លោះនាងនិង Katy Perry, Selena Gomez បានសម្ដែងជាសត្រូវរបស់ Taylor ដែលអ្នកគាំទ្រជាច្រើនគិតថានាងសម្ដែងជាតួ Katy។

ក៏ប៉ុន្តែនៅក្នុងកិច្ចសម្ភាសន៍មួយនៅឆ្នាំនោះដែរ Selena បានបញ្ជាក់ថាតួអង្គនោះមិនមែនជា Katy ទេ ខ្ញុំគិតថានាងជាមនុស្សល្អម្នាក់ ហើយខ្ញុំទើបតែនិយាយជាមួយនាង។ នាងប្រាប់ប៉ុស្តិ៍វិទ្យុ The Edge Afternoon របស់ New Zealand ថាដូច្នេះ។

រហូតដល់ឆ្នាំ ២០១៦ ក៏នៅតែមានអ្នកគាំទ្រជាច្រើនយល់ថានាងមានបញ្ហាជាមួយ Katy Perry ម្ដងទៀតដោយសារតែតារាសម្ដែងOrlando Bloom។ ប៉ុន្ដែអ្នកទាំងពីរបានបង្ហាញថាពួកគេនៅតែជិតស្និទ្ធនឹងគ្នាដោយបង្ហោះសារបកស្រាយនៅលើបណ្ដាញសង្គម Twitter។

នេះបញ្ជាក់ថាអ្នកទាំងពីរនៅតែជាមិត្តល្អនឹងគ្នា ទោះបីជាមានបញ្ហាយ៉ាងណាក៏ដោយ៕

អានអត្ថបទ៖

ប្រភព៖ Hollywoodlife ប្រែសម្រួល៖ ធារ៉ូ