មកស្គាល់កាន់តែច្បាស់ពីមិត្តភក្ដិជិតស្និទ្ធដែលបានបរិច្ចាគក្រលៀនឲ្យ Selena Gomez

2017-09-16 00:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Selena Gomez បានប្រកាសប្រាប់ពិភពលោកឲ្យដឹងពីការវះកាត់ផ្លាស់ប្ដូរក្រលៀនរបស់នាងកាលពីរដូវក្ដៅ ដើម្បីព្យាបាលពីជំងឺ Lupus។ ព័ត៌មាននេះបានធ្វើឲ្យពិភពលោកមានការភ្ញាក់ផ្អើលជាខ្លាំង ដោយសារតែអ្នកដែលបរិច្ចាគក្រលៀននោះមិនមែនជាសមាជិកគ្រួសាររបស់នាងឡើយ ប៉ុន្ដែជាមិត្តជិតស្និទ្ធរបស់នាងទៅវិញដែលមានឈ្មោះថា Francia Raisa ជាតារាសម្ដែងមួយរូបផងដែរ។

រូបថត Selena Gomez បង្ហោះលើ Instagram

នៅលើរូបភាពនោះនាងបាននិយាយថា «នាងបានឲ្យអំណោយ និងការបូជាដ៏ធំបំផុត ដោយបរិច្ចាគក្រលៀននាងមកឲ្យខ្ញុំ។ ខ្ញុំពិតជាមានសំណាងណាស់។ ខ្ញុំស្រលាញ់អ្នកខ្លាំងណាស់បងស្រី»។

ទោះបីជាទំនាក់ទំនងនាងនិង Francia មិនសូវជាល្បីល្បាញដូចទំនាក់ទំនងរវាងនាងនិងតារាល្បីៗដូចជា Taylor Swift, Demi Lovato និង Vanessa Hudgens ជាដើម Francia និង Selena គឺពិតជាស្និទ្ធស្នាលនឹងគ្នាណាស់ ដោយពួកគេស្គាល់គ្នាអស់រយៈពេល ៩ឆ្នាំហើយ។

Francia Raisa

ពួកគេស្គាល់គ្នាដំបូងនៅឆ្នាំ ២០០៨ ដោយ Selena កំពុងតែសំដែងតួក្នុងរឿង របស់ប៉ុស្តិ៍ទូរទស្សន៍ Disney ចំណែកឯ Francia បានសម្ដែងក្នុងប៉ុស្តិ៍ ABC។ ពួកគេទាំងពីរជួបគ្នាដោយកម្មវិធីមួយសហការគ្នារវាងប៉ុស្តិ៍ទូរទស្សន៍ទាំងពីរ។ អស់រយៈពេលជាច្រើនឆ្នាំមកនេះ អ្នកទាំងពីរតែងតែបង្ហាញថាពួកគេពិតជាមិត្តល្អនឹងគ្នា ដោយតែងតែចំណាយពេលជាមួយគ្នាជាញឹកញាប់ ជាពិសេសគឺលើកទឹកចិត្តឲ្យគ្នាគ្រប់ពេលវេលា។

Francia Raisa ចាប់ផ្ដើមល្បីឈ្មោះក្រោយចូលរួមសម្ដែងរឿងភាគ "The Secrect Life of the American Teenager” ឆ្នាំ ២០០៨។ ពេលនេះនាងមានអាយុ ២៩ ឆ្នាំហើយដែលមានដើមកំណើតនៅទីក្រុង Los Angeles រដ្ឋ California តែម្ដង៕

នេះជាបណ្ដារូបថតរបស់អ្នកទាំងពិរ៖