Miley បង្ហាញក្ដីស្រលាញ់ដ៏ផ្អែមល្ហែមដល់គូដណ្ដឹងក្នុងថ្ងៃកំណើត

2018-01-15 08:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងម្ចាស់បទ "Wrecking Balls” Miley Cyrus បានបង្ហាញក្ដីស្រលាញ់ដ៏ផ្អែមល្ហែមរបស់ខ្លួនទៅកាន់ គូដណ្ដឹងខ្លួនតារាសម្ដែង Liam Hemsworth ក្នុងឱកាសខួបកំណើតវ័យ ២៨ឆ្នាំ។

កាលពីថ្ងៃសៅរ៍សប្ដាហ៍មុននេះ តារាវ័យ ២៥ឆ្នាំរូបនេះបាន បង្ហោះរូបថតខ្លះៗទៅកាន់បណ្ដាញសង្គម Instagram ដែលបានដាក់បញ្ចូលនូវរូបថតពួកគេជាមួយគ្នា ក្នុងរយៈពេលកន្លងទៅថ្មីៗនេះ ព្រមទាំងសរសេរថា៖ "រីករាយថ្ងៃកំណើតទៅកាន់មិត្តដ៏ជិតស្និទ្ធបំផុតលើលោករបស់ខ្ញុំ! ខ្ញុំស្រលាញ់អ្នក!ៗ។

រូបថត Miley បង្ហោះលើ Instagram

តាមរយៈការសរសេរនៅលើបណ្ដាញសង្គមនេះបានបង្ហាញថា ពួកគេទាំងពីរគឺជិតស្និទ្ធដូចជារៀបការរួចហើយអីចឹង។ កាលពីដើមខែមុននេះពួកគេ ត្រូវបានគេរាយការណ៍ថាបានរៀបការជាមួយគ្នាខណៈពេលធ្វើដំណើរកម្សាន្តនៅប្រទេសអូស្ត្រាលី។

ផ្ទុយទៅវីញបើតាមប្រភពមួយថ្លែងទៅកាន់ US Weekly បានឲ្យដឹងថា ពួកគេមិនបានរៀបការជាមួយគ្នាទេ ដោយអ្នកទាំងពីរមិនទាន់ចង់ចូលរោងការឆាប់ពេក៕