ខឹងចិត្តនារីខ្លួនស្រលាញ់បដិសេធស្នេហ៍ តស៊ូសម្រកទម្ងន់រហូតទទួលលទ្ធផលមិនគួរឲ្យជឿ

ខឹងចិត្តនារីខ្លួនស្រលាញ់បដិសេធស្នេហ៍ តស៊ូសម្រកទម្ងន់រហូតទទួលលទ្ធផលមិនគួរឲ្យជឿ

2018-01-16 04:18:27
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់ឈ្មោះ Mos Sataporn ត្រូវបានបដិសេធស្នេហ៍ ដោយនារីម្នាក់ដែលខ្លួនស្រលាញ់ បន្ទាប់អ្វីដែលលោកធ្វើដើម្បីសងសឹកនាងវិញនោះ បានក្លាយទៅជារឿងមិនគួរឲ្យជឿ។

លោក Mos មានទម្ងន់រហូតដល់ ១៥៥គីឡូក្រាមដែលលើសទម្ងន់ខ្លាំងបំផុត។ មិត្តភក្តិរបស់លោកតែងតែសើចចំអកដាក់ ដោយសារតែមាឌដ៏ធំ និងថ្ពាល់ប៉ោងៗរបស់លោក បើទោះបីជាលោកមានកម្ពស់ខ្ពស់រហូតដល់ ១,៨៥ម៉ែត្រយ៉ាងណាក៏ដោយ។

បន្ទាប់ពីទទួលបានការបដិសេធពីនារីដែលខ្លួនស្រឡាញ់ បុរសធាត់រូបនេះបានគិតថាត្រូវតែធ្វើអ្វីមួយដើម្បីសម្រកទម្ងន់របស់ខ្លួន។ ទោះបីជាវាលំបាកនៅពេលដំបូងក៏ដោយ លោក Mos បានចាប់ផ្ដើមកាត់បន្ថយអាហារដែលមានជាតិកាល់ឡូរី ខ្ពស់ និងបរិភោគអាហារសុខភាពជំនួសវិញ។ លោកក៏ បាន ចាប់ផ្តើមហាត់ប្រាណដើម្បីឡើងសាច់ដុំផងដែរ។

ក្នុងរយៈពេលតែមួយខែ លោកបានស្រកអស់ ៥គីឡូក្រាម ហើយមកទល់ពេលនេះ វាមានរយៈពេល ១ឆ្នាំហើយចាប់តាំងពីពេលដែលលោកសម្រកទម្ងន់។ ឥលូវនេះ លោក Mos មានទម្ងន់ត្រឹមតែ ៨០ គីឡូក្រាមប៉ុណ្ណោះ ដែលលោកបានស្រកអស់ ៧៤ គីឡូក្រាម។

ជាមួយនឹងរូបរាង និងកម្ពស់ដ៏ខ្ពស់របស់លោក ស្ត្រីជាច្រើនបានចាប់អារម្មណ៍ និងសម្លឹងមើលលោក Mos ។ លោក Mos បាននិយាយថា "ប្រសិនបើអ្នកចង់សម្រកទម្ងន់នោះ រឿងដំបូងដែលអ្នកគួរធ្វើ គឺព្យាយាមយកឈ្នះខ្លួនឯង។ ប្រសិនបើអ្នកផ្សេងធ្វើបាន, រឿងអីដែលអ្នកធ្វើមិនបាន?”