រឿងធំថ្នាក់ហ្នឹង បានប៉ូលិសសម្រុកចាប់តែម៉ូតូដាក់ឡានស្ទុយៗ អត់ចាប់ឡាន

2018-01-16 07:16:33
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រោះថ្នាក់ចរាចរណ៍កើតឡើងនៅក្នុងប្រទេសកម្ពុជា ៧៧% គឺបង្កឡើងពីអ្នកបើកបរម៉ូតូមិនគោរពច្បាប់ ក្នុងនោះ ៧៨% គឺបណ្ដាលមិនពាក់មួកសុវត្ថិភាព។ នេះបើតាមប្រសាសន៍របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកាលពីព្រឹកមិញនេះ។

ថ្លែងក្នុងពិធីបូកសរុបលទ្ធផលការងារប្រចាំឆ្នាំ២០១៧ របស់ក្រសួងសាធារណការ និងដឹកជញ្ជូន នៅសាលសន្និសីទចតុមុខ សម្ដេច ស ខេង លើកជាចម្ងល់ថា ហេតុអ្វីបានជាប្រជាពលរដ្ឋខ្មែរមិនទម្លាប់ពាក់សុវត្ថិភាពពេលបើកបរ? បើមានគ្នាពីរនាក់ពាក់តែអ្នកបើក ហើយចំណែកអ្នកក្រោយមិនពាក់។

«ដោយសារគាត់មិនមានមួក ឫមានហើយមិនពាក់? ខ្ញុំជឿថា មានទាំងពីរអ្នកមានហើយមិនពាក់ និងអ្នកមិនមាន តែអ្នកមិនមានក៏បានចែកជូនដោយមិនគិតថ្លៃទៀត តែនៅតែមិនពាក់?» នេះជាប្រសាសន៍របស់ឧបនាយករដ្ឋមន្ត្រី ស ខេង សួរទៅកាន់ប្រជាពលរដ្ឋខ្មែរទូទាំងប្រទេស។

ជាការទទូចស្នើសុំ សម្ដេច ស ខេង សំណូមពរដល់ប្រជាពលរដ្ឋដែលប្រើប្រាស់ដងផ្លូវមិនថាមធ្យោបាយណា ជាពិសេសអ្នកបើកបរម៉ូតូសូមគោរពច្បាប់ចរាចរណ៍ឲ្យខ្ជាប់ខ្ជួន ខណៈនៅតាមដងផ្លូវនៅមិនទាន់មានបំពាក់ឧបករណ៍ទំនើបគ្រប់គ្រាន់ដែលដឹងថា អ្នកណាគោរព ឫមិនគោរពទេ។ ដូច្នេះមានតែប្រជាពលរដ្ឋខ្លួនឯង ត្រូវចេះស្រឡាញ់អាយុជីវិតខ្លួនឯង និងជួយសម្រាលបន្ទុកគ្រួសារ សង្គមជាតិផងដែរ។

ចាប់ពីថ្ងៃទី ០៥ ខែមករា ឆ្នាំ២០១៨នេះ កម្លាំងនគរបាលជាតិចាប់ផ្ដើមអនុវត្តច្បាប់ចរាចរណ៍ផ្លូវគោកទ្រង់ទ្រាយធំ ចំពោះអ្នកបើកបរមិនគោរពច្បាប់ដូចជា មិនពាក់មួកសុវត្ថិភាព គ្មានកញ្ចក់ បើកបរបញ្ច្រាសផ្លូវជាដើម។ ក្នុងនោះមានម៉ូតូរាប់ពាន់គ្រឿងត្រូវសមត្ថកិច្ចឃាត់ដាក់ឡានភ្លាមៗ នៅនឹងកន្លែង ហើយយកទៅរក្សាទុកនៅតាមសាលាខណ្ឌនីមួយៗទាំង១២ក្នុងរាជធានីភ្នំពេញ រហូតទាល់តែអ្នកបើកបរទាំងនោះមានមួកសុវត្ថិភាពត្រឹមត្រូវ ទទួលការអប់រំណែនាំ និងផាកពិន័យតាមច្បាប់ទើបអាចយកត្រឡប់ទៅផ្ទះវិញបាន៕

ចុចអាន៖

អត្ថបទ៖ វឌ្ឍនៈ