សោកស្ដាយ! Chris Hemsworth ថាខ្លួនអស់ពេលសម្ដែងជាតួអង្គ Thor ហើយ

2018-01-17 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានសម្ដែងនៅក្នុងរឿង "Thor” ចំនួនបីវគ្គព្រមទាំងភាពយន្ត "Avengers” ចំនួនបួនវគ្គរួចមក តារាសម្ដែងសាច់ដុំកង់ៗ Chris Hemsworth បានប្រកាសថាកុងត្រារបស់ខ្លួនជាមួយនឹងផលិតកម្ម Marvel Studio បានមកដល់ទីបញ្ចប់ហើយ។

លោក Chris Hemsworth

ចំពោះពេលនេះអនាគតរបស់ពិភព Marvel គឺមិនទាន់ដឹងច្បាស់នៅឡើយ ប៉ុន្តែតារារូបនេះមិនអាចចូលមកសម្ដែងក្នុងខ្សែរឿងនេះបានទេ លុះត្រាតែក្រុមហ៊ុនបញ្ចុះបញ្ចូលលោក ដើម្បីចុះកុងត្រាថ្មី។

“ចំពោះកុងត្រា ពេលនេះគឺជាពេលចុងក្រោយរបស់ខ្ញុំហើយ។ ខ្ញុំនឹងមិនសម្ដែងជាតួអង្គនេះម្ដងទៀតទេ។" លោក Chris បញ្ជាក់ក្នុងសារព័ត៌មាន USA Today។

ទោះជាយ៉ាងណាក៏ដោយ ក៏តារារូបនេះនៅតែមានកូនចិត្តសោកស្ដាយនិងមិនចង់ចាកចេញផងដែរ ដោយគិតថា តួអង្គនេះជាផ្នែកដ៏ធំមួយរបស់លោកក្នុងរយៈពេល១ទសវត្សមកនេះ។

លោកនិយាយដូច្នេះថា៖ "វាពិតជាគួរខ្លាចណាស់បើសិនជាគិតពីវា។ ខ្សែរឿងនេះវាមើលទៅដូចជាមិនចេះចប់អីចឹង ប៉ុន្តែស្រាប់តែពេលនេះអ្វីគ្រប់យ៉ាងនឹងត្រូវបញ្ចប់។"

តួអង្គ Thor

ចំពោះខ្សែរឿង "Thor” គឺជាបណ្ដាខ្សែរឿងដែលរកចំណូលបានតិចជាងគេបើប្រៀបធៀបនឹងខ្សែរឿងដទៃទៀត ដូចជា "Captain America” និង "Iron Man”។ អ្វីដែលគួរឲ្យកត់សម្គាល់បំផុតនោះគឺ ភាពយន្តវគ្គចុងក្រោយ "Thor: Ragnarok” បែរជារកចំណូលបានយ៉ាងច្រើនសន្ធឹកសន្ធាប់និងទទួលបានការកោតសរសើរពីសំណាក់អ្នកគាំទ្រជាច្រើន ដែលជាស្នាដៃដឹកនាំរឿងដោយលោក Taika Waititi។

សម្រាប់ពេលលោក Hemsworth កំពុងតែរំភើបចំពោះភាពយន្ត "Avengers: Infinty Wars” ដែលនឹងដាក់បញ្ចាំងនៅខែឧសភានេះ ដែលមានតារាចូលរួមសម្ដែងដល់ទៅ ៧៦នាក់ចំពោះវគ្គទី ៣ និងទី៤។

គូសបញ្ជាក់ដែរថាតារាសម្ដែង Chris Evans ដែលជាតួអង្គ Captain America ក៏បានបញ្ជាក់ដែរថាខ្លួននិងផុតកុងត្រាពី Marvel បន្ទាប់ពីរឿង "Avenger 4” ប៉ុន្តែលោក Robert Downey JR. ដែលសម្ដែងជាតួអង្គ Iron Man មិនទាន់បញ្ជាក់ពីបញ្ហាកុងត្រានេះនៅឡើយ៕