ទើបអាយុ១៣ឆ្នាំ តស៊ូមើលថែឪពុកម្តាយពិការ ហើយជាសិស្សពូកែប្រចាំថ្នាក់ទៀត

2018-01-17 03:16:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្មេងប្រុស Li Jiapeng អាយុ ១៣ឆ្នាំ ដែលរស់នៅទីក្រុង Lyuliang ភាគខាងជើងខេត្ត Shaanxi ប្រទេស ចិន បានទទួលបន្ទុកចិញ្ចឹមគ្រួសារទាំងមូលបន្ទាប់ពីឪពុកម្ដាយរបស់គេធ្លាក់ខ្លួនពិការ និងធ្វើឲ្យគេកាន់តែ មានទំនួលខុសត្រូវខ្ពស់នៅឯសាលារៀន។

យោងតាមកាសែត China Daily ឲ្យដឹងថា ឪពុករបស់ក្មេងប្រុស Li បានក្លាយជាជនពិការភ្នែកបន្ទាប់ពីត្រូវឡានបុក ចំណែកឯម្ដាយរបស់គេ គឺជាមនុស្សគរ និងថ្លង់ ជាហេតុដែលពិបាកក្នុងការមើលថែឪពុករបស់គេ។

ទោះបីជាជួបប្រទះការលំបាកយ៉ាងណាក៏ដោយ ក៏ក្មេងប្រុស Li បន្តធ្វើការយ៉ាងលំបាកសម្រាប់គ្រួសាររបស់ខ្លួន។ Li បាននិយាយថា "ខ្ញុំគឺជាមនុស្សម្នាក់គត់ដែលអាចធ្វើការបាននៅក្នុងផ្ទះ ប្រសិនបើខ្ញុំមិនបេះផ្លែល្មើទេ នោះគ្រួសារខ្ញុំនឹងមិនមានចំណូលនោះទេ។”

ជំនួសឱ្យការលេងនៅខាងក្រៅជាមួយក្មេងៗដទៃ ដែលមានអាយុស្របាលគ្នា Li ត្រូវរៀនធ្វើអាហារនិងលើកទឹកនៅអាយុ ៥ ឆ្នាំ។ បន្ទាប់មក នៅអាយុ ៦ ឆ្នាំ ចាប់ផ្ដើមបេះផ្លៃល្មើ ដែលជាប្រភពតែមួយគត់របស់គ្រួសារ។ទោះជាយ៉ាងណាក៏ដោយ ជារៀងរាល់ឆ្នាំ Li តែងតែជាប់នៅលើដើមល្មើ និងមិនអាចចុះមកបាន ជាហេតុធ្វើឲ្យដៃរបស់គេមានស្នាមឈាមជាច្រើន។

បើទោះជាមានការលំបាកក្នុងគ្រួសារយ៉ាងណាក៏ដោយ ក្មេងប្រុស Li នៅតែជាសិស្សឆ្នើមក្នុងថ្នាក់រៀន។ លទ្ធផលពីការប្រឡងថ្នាក់បឋមសិក្សាចុងក្រោយរបស់គេ បានបង្ហាញថា គេគឺជាសិស្សឆ្នើមម្នាក់ក្នុងចំណោម ១០ នាក់ ហើយគេក៏មានវិញ្ញាបនបត្រនៃរង្វាន់ទាំងអស់ ព្យួរនៅលើជញ្ជាំងដើម្បីជាភស្តុតាងផងដែរ៕