មិនមែនលំៗ! បង្កប់ឧបករណ៍ទំនើបផុតលេខតាមផ្លូវ ចាប់អ្នកមិនគោរពច្បាប់គ្រប់ប្រភេទ

2018-01-18 07:50:04
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជានឹងមានបំពាក់ឧបករណ៍ស៊េរីទំនើបនៅតាមផ្លូវជាតិសំខាន់ៗ ដើម្បីចាប់បទល្មើសចរាចរណ៍ផ្សេងៗនៅថ្ងៃខាងមុខនេះ ដូចជាអ្នកបើកបរលើសល្បឿនកំណត់ បើកជែងក្នុងស្ថានភាពគ្រោះថ្នាក់ ឫកន្លែងមានករណីកកស្ទះ ដើម្បីឲ្យសមត្ថកិច្ចចុះទៅអន្តរាគមន៍ភ្លាមៗ។ នេះបើតាមប្រសាសន៍របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃថ្លែងកាលពីថ្មីៗនេះ។

ឧបករណ៍ទំនើបទាំងនោះមិនត្រឹមតែជួយសម្រួលការងារដល់សមត្ថកិច្ចប៉ុណ្ណោះទេ តែវាមានលក្ខណៈពិសេសអាចចាប់បានអ្នកបើកបរមិនគោរពច្បាប់ទាំងឡាយ ដូចជាបើកបរលើសល្បឿនកំណត់ ឧបករណ៍ទាំងនោះអាចចាប់បានទាំងអត្តសញ្ញាណអ្នកបើកបរ ទាំងប្រភេទយានយន្ត។ បន្ទាប់មកសមត្ថកិច្ចនឹងឆែកមើលទិន្នន័យ ហើយផ្ញើសំបុត្រពិន័យតាមច្បាប់ដល់ផ្ទះអ្នកល្មើសច្បាប់ចរាចរណ៍នោះតែម្ដង។ សម្ដេច ស ខេង បន្ថែម។

យ៉ាងណាក្ដីបច្ចុប្បន្នឧបករណ៍ចាប់បទល្មើសទាំងនោះ បានបំពាក់មួយចំនួនតិចតួចនៅឡើយ ប៉ុន្តែសម្ដេច ស ខេង អះអាងថា នៅថ្ងៃខាងមុខកម្ពុជានឹងបំពាក់ឧបករណ៍ស៊េរីទំនើបផុតលេខនៅតាមដងផ្លូវនានា ដើម្បីធ្វើយ៉ាងណារឹតបន្តឹងច្បាប់ឲ្យកាន់តែមានប្រសិទ្ធភាព កាត់បន្ថយបញ្ហាគ្រោះថ្នាក់ចរាចរណ៍។ ជាពិសេសនោះ គឺជាការចូលរួមចំណែកឲ្យសមត្ថកិច្ចអនុវត្តការងារ កាន់តែរហ័សទាន់សភាពការណ៍៕

ចុចអាន៖

អត្ថបទ៖ វឌ្ឍនៈ