៤ឆ្នាំរាសីឡើងខ្លាំងក្នុងឆ្នាំថ្មី បើកំពុងធ្វើការ៤ប្រភេទនេះទៀតគឺល្អផុតលេខ

2018-01-22 02:41:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការរៀបរាប់របស់ហោរាសាស្ត្រ ឡុង បូរ៉ា ហៅលោកតាថ្មអណ្ដែតប្រាប់ថា ក្នុងឆ្នាំថ្មីទេវតាឆ្នាំច អ្នកកើតក្នុងឆ្នាំទាំង៤មានដូចជា៖ ឆ្នាំជូត ឆ្នាំថោះ ឆ្នាំវក និងឆ្នាំកុរ មានរាសីឡើងខ្លាំងនឹងទទួលបានជោគជ័យលាភសក្ការ បើអ្នករកស៊ីដឹងតែកាក់កប ហើយបើអ្នកធ្វើការនឹងឡើងតំណែង ឡើងប្រាក់ខែ។

ប៉ុន្តែក្នុងនោះ គ្រូហោរាសាស្ត្រឧស្សាហ៍ឡើងទូរទស្សន៍ញឹកញាប់រូបនេះប្រាប់ទៀតថា ឆ្នាំដែលមានរាសីឡើងខ្ពស់ផ្ដាច់គេ គឺឆ្នាំថោះ ព្រោះសម្រាប់ឆ្នាំ២០១៨ ក្នុងចក្ររាសីឆ្នាំថោះល្អជាងគេរហូតដល់អ្នកឆ្នាំឆុងទាំង៤ មានដូចជាឆ្នាំរោង ច មមែ ឆ្លូវ អាចមកទទួលវត្ថុអនុស្សាវរីយ៍ពីអ្នកកើតឆ្នាំថោះ ដើម្បីកាត់ឆុងទៀតផង។

គ្រូហោរាសាស្ត្រខាងលើឲ្យដឹងទៀតថា ដោយសារក្នុងឆ្នាំថ្មីនេះ ស្ថិតនៅក្នុងឆ្នាំចធាតុដី បើអ្នកកំពុងធ្វើការងារដូចជា៖ អ្នករចនាម៉ូត ប៉ូលិស មេធាវី និងវាគ្មិនផ្សេងៗត្រូវបញ្ចេញវោហារសាសព្ទជាដើម គឺដឹងតែល្អខ្លាំងតែម្ដងក្នុងឆ្នាំ២០១៨។ អ្នកកើតក្នុងឆ្នាំទាំង៤ មាន ឆ្នាំជូត ឆ្នាំថោះ ឆ្នាំវក និងឆ្នាំកុរ នឹងទទួលបានគោរពស្រឡាញ់ពីអ្នកផងទាំងពួង ហើយបើបានធ្វើការដូចរៀបរាប់ខាងលើទៀត គឺកាន់តែល្អរកលេខដាក់គ្មាន៕

ទស្សនាវីដេអូខាងក្រោមនេះ៖