ទីបំផុត ខេមរៈ សិរីមន្ត បានទៅដល់ផ្ទះលោកតា ប្រាជ្ញ ឈួន ហើយព្រឹកនេះ!

2014-11-12 16:37:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទទួលដំណឹងថាលោកតា ប្រាជ្ញ ឈួន ចង់ជួបខ្លួន រួមជាមួយតារាចម្រៀងខ្មែរពីររូបទៀត នៅព្រឹកនេះ លោក ខេមរៈ សិរីមន្ត បានធ្វើដំណើរទៅជួបសួរសុខទុក្ខលោកតាហើយ។

ដំណើររបស់លោក សិរីមន្ត ទៅជួបលោកតា ប្រាជ្ញ ឈួន បានលាតត្រដាងនៅព្រឹកនេះលើបណ្ដាញសង្គម។ បន្ថែមពីលើនេះ បុរសម្នាក់ដែលអះអាងថាជាបងប្រុសលោក ខេមរៈ សិរីមន្ត បានឆ្លើយទូរសព្ទជំនួសតារាចម្រៀងរូបនេះ ថា លោក សិរីមន្ត បានចេញដំណើរនៅព្រឹកនេះតាំងពីម៉ោង៧ព្រឹក បន្ទាប់ពីទទួលដំណឹងកាលពីល្ងាចថាលោកតា ប្រាជ្ញ ឈួន ចង់ជួបលោក។

"ព័ត៌មានគេបង្ហោះយូរហើយ តែដោយសារគាត់រវល់ខ្លាំងពេក ទើបដឹងល្ងាចមិញតាមរយៈ អ្នកនាង ខាត់ សុឃីម បង្ហោះឃ្លិបវីដេអូថាលោកចង់ជួបគាត់។ អីចឹងព្រលឹមឡើង គាត់ក៏ចេញទៅតែម្ដង គឺទៅតាំងពីម៉ោង៧ព្រឹកឯណោះ ឥឡូវដឹងដល់ហើយនៅ!”។

តាមបងប្រុសរបស់លោក បានឲ្យដឹងទៀតថា ដំណើរទៅជួបស្ដេចចាប៉ីស្រុកខ្មែរ ប្រាជ្ញ ឈួន នៅពេលនេះ លោក សិរីមន្ត បាននាំយកថវិកា និងភេសជ្ជៈមួយចំនួនទៅជូនលោកតា។ "តាមខ្ញុំដឹង មន្ត គេបាននាំថវិកា១លានរៀលទៅជូនលោកតាទុកគ្រាន់គាត់ដោះស្រាយផ្សេងៗ និងបានទិញភេសជ្ជៈមួយចំនួនដូចជា ទឹកត្រចៀកកាំ និងទឹកប្រទាលកន្ទុយក្រពើជាដើមទុកគាត់ពិសាយកកម្លាំង ព្រោះបើទិញនំចំណីអ្វីផ្សេង ខ្លាចគាត់ពិសាអត់កើត!”។

អត្ថបទ៖ ម៉ូដសក់ថ្មីពី ខេមរៈ សិរីមន្ត ចុងឆ្នាំ ២០១៤!

លោកតា ប្រាជ្ញ ឈួន បានផ្ញើសារចង់ជួបលោក ខេមរៈ សិរីមន្ត និងលោក ព្រាប សុវត្ថិ រួមទាំងឌីជេ ឃ្លាំង តាមរយៈអ្នកនាង ខាត់ សុឃីម ដែលបានទៅជួបសួរសុខទុក្ខលោកតាកាលពីម្សិលមិញ។ លោក សិរីមន្ត បានឆ្លើយតបមុនគេទៅនឹងការចង់ជួបនេះ ក្នុងចំណោមតារាចម្រៀងប្រុស៣រូប ដែលព្រឹទ្ធាចារ្យចង់ជួប។

អត្ថបទ៖ លោកតា ប្រាជ្ញ ឈួន ចង់ជួប ព្រាប សុវត្ថិ និង ខេមរៈ សិរីមន្ត !

ងាកមកលោក ព្រាប សុវត្ថិ ឯណេះវិញ ប្រាប់ថាលោកអត់ទាន់បានទទួលដំណឹងទេ។ "ខ្ញុំអត់បានដឹងអីផង ហើយក៏អត់ដឹងថាគាត់មានការអីដែរ"។ ដោយឡែក ឌីជេ ឃ្លាំង មិនទាន់អាចទំនាក់ទំនងបានទេ៕

អត្ថបទផ្សេងទៀតពាក់ព័ន្ធនឹង ខេមរៈ សិរីមន្ត

អត្ថបទ៖ ទារិកា