លោកតា ប្រាជ្ញ ឈួន ចង់ជួប ព្រាប សុវត្ថិ និង ខេមរៈ សិរីមន្ត !

2014-11-11 18:22:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹទ្ធាចារ្យចាប៉ីដងវែង លោកតាភិរម្យ ប្រាជ្ញ ឈួន ចង់ជួបតារាចម្រៀង ព្រាប សុវត្ថិ និង ខេមរៈ សិរីមន្ត ម្ដងទៀត ព្រោះអ្នកទាំងពីរធ្លាប់ទៅសួរសុខទុក្ខលោកតា អំឡុងពេលសម្រាកព្យាបាលនៅមន្ទីរពេទ្យលើកមុន។

លោកតាមានប្រសាសន៍ថា៖ "សូមជម្រាបដល់លោកក្មួយ ព្រាប សុវត្ថិ និង លោកក្មួយ ខេមរៈ សិរីមន្ត អង្កាល់ដែលខ្ញុំនៅដេកពេទ្យកាល់ម៉ែត្រ ក្មួយបានទៅឧបត្ថម្ភនោះ បើមកបានក៏មក បើរវល់ក៏មិនអីដែរ"។ ព្រឹទ្ធាចារ្យចាប៉ីដងវែងរូបនេះ អះអាងថា ក៏ចូលចិត្តតារាចម្រៀងទាំងពីររូបនេះ និងបានសុំឲ្យឌីជេ ឃ្លាំង ទៅលេងគាត់ដល់ផ្ទះផងដែរ។

នៅក្នុងជំនួបផ្ទាល់ក្នុងឱកាសទៅសាកសួរសុខទុក្ខព្រឹទ្ធាចារ្យ ប្រាជ្ញ ឈួន កាលពីម្សិលមិញនេះ អ្នកនាង ខាត់ សុឃីម ឯណេះវិញក៏បានអំពាវជាថ្មីម្ដងទៀត ដោយស្នើឲ្យតារាចម្រៀងបែបយុវវ័យទាំង៣រូបខាងលើ ទៅសួរសុខទុក្ខលោកតាម្ដងទៀត ប្រសិនបើមានពេលវេលាទំនេរ ហើយអ្នកភូមិបានជួបមុខផង។

ដោយឡែក សប្បុរសជន និងសិល្បករណាមានបំណងឧបត្ថម្ភ ឬទៅសួរសុខទុក្ខលោកតា ប្រាជ្ញ ឈួន សូមទាក់ទងទៅកាន់លេខ ០៩៧ ៦៨ ៥៦ ៥៥៦ ៕

http://youtu.be/yDsJ-kji4W8

អានអត្ថបទ៖ ជយលាភី"ស្ដាប់ចម្រៀងរបស់ខ្ញុំ" ត្រៀមច្រៀងក្នុងកម្មវិធីITET២០១៤

អានអត្ថបទ៖ លំ សុក្រិត រៀបការស្ងាត់ៗ

អត្ថបទ៖ សំ ជំនាញ