Samontha កីឡាការិនីប្រដាល់ខ្មែរអាមេរិក អាចយកឈ្នះម្ចាស់ផ្ទះថៃ បានទេម៉ោង៨យប់នេះ?

2018-01-24 02:13:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីខ្មែរអាមេរិក Samontha Stephenson ដែលត្រូវជាក្មួយស្រីរបស់ កែវ រំចង់ នឹងត្រូវប៉ះម្ចាស់ផ្ទះថៃ ក្នុងកម្មវិធី One Night In Chiangmai 2 នាយប់នេះចាប់ពីម៉ោង៨តទៅ។

Samontha(ឆ្វេង)

លោក Mattsophi Stephenson ដែលជាឪពុករបស់កីឡាការិនីខាងលើឲ្យដឹងថា កូនស្រីរបស់លោកនឹងត្រូវប៉ះជាមួយម្ចាស់ផ្ទះថៃមែននៅយប់នេះ ក្នុងជំនួបមិត្តភាពអន្តរជាតិនៅទីក្រុង Chiang Mai។ ការប្រកួតមួយនេះមានសារសំខាន់ណាស់សម្រាប់កូនស្រីរបស់លោក ដើម្បីស្វែងរកបទពិសោធន៍ឲ្យបានច្រើនក្នុងកីឡាមួយនេះ។ ចង់បានបទពិសោធន៍ច្រើនសម្រាប់កូនស្រីរបស់លោក ទាល់តែចេញមកពីប្រកួតនៅក្រៅប្រទេស ព្រោះនៅសហរដ្ឋអាមេរិកមិនសូវសំបូរអ្នកហាត់ប្រដាល់នោះឡើយ។

Samontha និងលោកគ្រូ ហ៊ុន ចាន់រាជ

បងប្រុសរបស់កែវ រំចង់ ខាងលើបន្តទៀតថា កីឡាការិនី Angkor Petch Tonpbeang ថៃ រូបនេះ គឺមានប្រវត្តិប្រកួតប្រហាក់ប្រហែលទៅនិងកូនស្រីរបស់លោក ហើយអាយុ១៥ឆ្នាំដូចគ្នាទៀតផង ដូច្នេះពួកគេអាចប្រកួតជាមួយគ្នា។ លោកសង្ឃឹមច្រើនថា Samontha នឹងទទួលបានជ័យជម្នះនាប្រកួតមួយនេះ ព្រោះមើលឃើញពីការខំប្រឹងប្រែងហ្វឹកហាត់អត់ឈប់ឈរ មិនថានៅសហរដ្ឋអាមេរិក ឬនៅកម្ពុជានោះទេ គឺចំណាយពេលរាល់ថ្ងៃនិងទៀងទាត់ទៀតផង។

Samontha ពេលនៅកម្ពុជា

Samontha នឹងត្រូវប្រកួតជាមួយកីឡាការិនីថៃ Angkor Petch Tonpbeang ក្នុងប្រភេទទម្ងន់ ៤៦គីឡូក្រាម នាកម្មវិធី One Night In Chiangmai 2 ទីក្រុង Chiang Mai ចាប់ពីម៉ោង៨យប់ តទៅហើយក៏មានផ្សាយតាមហ្វេសបុកផេក Lumpinee World Champion ផងដែរ៕

អត្ថបទ៖ នួន ស៊ីណា