ពិសេស! រទេះភ្លើងធុនស្រាល៣គ្រឿង សុទ្ធតែដំឡើងនៅប្រទេស១នេះត្រៀមដឹកអ្នកភ្នំពេញ

2018-01-25 04:32:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋមួយចំនួនមានចម្ងល់ថា៖ «តើរទេះភ្លើងដឹកអ្នកដំណើរពីស្ថានីយទៅព្រលានយន្តហោះអន្តរជាតិភ្នំពេញ សម្ពោធមុនចូលឆ្នាំយ៉ាងម៉េចបើអត់ដែលឃើញធ្វើផង មិនដឹងលើអាកាស លើដីឫក្រោមដី?»

ឆ្លើយតបនឹងចម្ងល់នេះ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានប្រាប់ថា រទេះភ្លើងធុនស្រាល៣គ្រឿងកំពុងដំឡើងនឹងរួចរាល់នៅថ្ងៃទី ២៨ ខែកុម្ភៈនេះ ហើយត្រូវចេញដំណើរពីប្រទេសមិចស៊ីកូ យ៉ាងយូរបំផុតដាច់ ខែមីនា នឹងធ្វើដំណើរមកដល់ប្រទេសកម្ពុជា ហើយ។

ចំពោះការស្ថាបនាផ្លូវដែកតភ្ជាប់ទៅព្រលានយន្តហោះ គឺក្រុមការងារបច្ចេកទេសតែងសម្រុកធ្វើនៅពេលយប់ជារៀងរាល់ថ្ងៃ ដើម្បីកុំឲ្យមានផលរំខានដល់ការធ្វើដំណើររបស់បងប្អូនប្រជាពលរដ្ឋ។ ឯកឧត្ដម ស៊ុន ចាន់ថុល បញ្ជាក់ច្បាស់ថា រឿងសម្ពោធដាក់ឲ្យប្រើប្រាស់រទេះភ្លើងដឹកអ្នកដំណើរ ពីស្ថានីយទៅព្រលានយន្តហោះអន្តរជាតិភ្នំពេញ គឺប្រាកដ១០០% មិនមានការប្រែប្រួលឡើយ។

ដោយឡែកចំពោះគម្រោង កាណូតដឹកអ្នកដំណើរពី ព្រែកព្នៅ-ភ្នំពេញ-តាខ្មៅ ក៏ត្រៀមសម្ពោធមុនចូលឆ្នាំខ្មែរដូចគ្នា៕

ចុចអាន៖

អត្ថបទ៖ វឌ្ឍនៈ