ឡានប្រើម៉ាស៊ូត ច្រឡំចាក់សាំង ដោះស្រាយមិនទាន់ពេល ដឹងតែវេទនាហើយ

2018-01-26 03:06:22
ចំនួនមតិ 0 | ចំនួនចែករំលែក 0

ចន្លោះមិនឃើញ

រំលេចអក្សរច្បាស់ប៉ុណ្ណឹងហើយ តិចច្រឡំចាក់សាំងខុសអីទៅ។ ចាក់សាំងខុស (សាំងទៅម៉ាស៊ូតឬម៉ាស៊ូតទៅសាំង) អាចនាំខូចខាតធ្ងន់ធ្ងរដល់គ្រឿងម៉ាស៊ីន។

មានតែបិទស្ទីកគ័របែបនេះ ដើម្បីពញ្ញាក់អារម្មណ៍បុគ្គលិកស្ថានីយប្រេងឥន្ធនៈ ក្រែងលោចាក់សាំងច្រឡំ

លោក ស៊ន ពិនិត្យ អ្នកបច្ចេកទេសផ្នែករថយន្តនៅហាង HP ហ្គារ៉ាសម្តុំតាខ្មៅឲ្យដឹងថា បើករណីនេះកើតឡើង ដាច់ខាតហាមកាច់សោបញ្ឆេះឬត្រូវពន្លត់ម៉ាស៊ីនភ្លាម (ករណីបញ្ឆេះ) ដើម្បីទប់ស្កាត់សាំងជ្រាបចូលម៉ាស៊ីន ដែលបង្កខូចខាតពិបាកស្រោចស្រង់។

លោកបន្តថា ជំហានបន្ទាប់ត្រូវប្រញាប់ហៅជាងសណ្តោងរកទៅការ៉ាស ដើម្បីឆែកលាងសម្អាតម៉ាស៊ីនភ្លាម។ ហើយបើនៅតែបន្តធ្វើដំណើរ វានឹងធ្វើឲ្យម៉ាស៊ីនកុបប៉េរលត់តាមផ្លូវ និងនាំការខូចខាតកាន់តែធ្ងន់ធ្ងរ។

លោកបញ្ជាក់ថា ឡានដែលប្រើម៉ាស៊ូត (ច្រឡំចាក់សាំង) ប៉ះពាល់ធ្ងន់ធ្ងរជាងឡានប្រើសាំង ពីព្រោះម៉ាស៊ីនម៉ាស៊ូតត្រូវការជាតិរំអិលច្រើន ដើម្បីឲ្យម៉ាស៊ីនដើរបានស្រួល។