Charlie Puth លេងប្រកាសក្ដែងៗថា Selena ធ្វើឲ្យខ្លួនឈឺចាប់ហួសថ្លែង

2018-02-02 05:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងម្ចាស់បទ "See You Again” លោក Charlie Puth បានបញ្ជាក់ថាទំនាក់ទំនងមួយរយៈពេលខ្លីរបស់លោកជាមួយ Selena Gomez បានធ្វើឲ្យលោកឈឺចាប់ខ្លាំង ដែលមនុស្សភាគច្រើននឹកស្មានមិនដល់។

គម្របទស្សនាវដ្ដីថ្មីនៅ Billboard របស់ Charlie Puth

ខណៈពេលលោកបង្ហាញខ្លួននៅ គម្របទស្សនាវដ្ដី Billboard ដែលនឹងដាក់លក់នៅថ្ងៃទី៣ តារាវ័យ ២៦ឆ្នាំនេះ បានបើកកកាយពីទំនាក់ទំនងរបស់អ្នកទាំងពីរកាលពីឆ្នាំ ២០១៦ សម្រាប់បទចម្រៀង "We Don't Talk Anymore”។

ចំពោះហេតុការណ៍ដែលបានកើតឡើង Charlie មិនពេញចិត្តនោះទេ ដោយបាននិយាយថា Selena ទាក់ទងខ្លួនដើម្បីធ្វើឲ្យអ្នកដទៃជាពិសេស Justin Beiber មកចាប់អារម្មណ៍ជាមួយខ្លួន។ Charlie និយាយដូច្នេះថា៖ "វាជាពេលជាក់លាក់មួយនៅក្នុងជីវិត ដែលមនុស្សម្នាក់ជិតស្និទ្ធនឹងខ្ញុំខ្លាំង ប៉ុន្តែត្រូវការ Attention 'ការខ្វល់ខ្វាយ' ពីអ្នកដទៃទៅវិញ"។

Charlie និង Selena សម្ដែងបទ "We Don't Talk Anymore"

Charlie បន្ថែមទៀតថា៖ "នៅពេលដែលខ្ញុំដឹងអំពីរឿងនេះ ហើយពួកយើងក៏បញ្ចប់ទំនាក់ទំនងរវាងគ្នានិងគ្នា ខ្ញុំក៏អាចនឹងធ្វើរឿងមិនល្អដែរ ហើយនាងនឹងអាចសួរខ្ញុំថា How Long has this been going on 'តើរឿងរ៉ាវទាំងនេះកើតឡើងតាំងពីពេលណាមក?”

នេះបញ្ជាក់ថាបទចម្រៀង "Attention” និង "How Long” គឺសុទ្ធតែនិយាយពី Selena Gomez ទាំងអស់ដោយសារតែនាងព្យាយាមទាក់ទង Justin Bieber ម្ដងទៀត។

ទោះបីជាយ៉ាងណាក៏ដោយ ក៏មានប្រភពមួយព្យាយាមបញ្ជាក់ប្រាប់ថា អ្នកទាំងពីរគ្រាន់តែជាមិត្តិជិតស្និទ្ធប៉ុណ្ណោះ មិនមានអ្វីលើសពីនេះនោះទេ។ ក៏ប៉ុន្តែក៏មានអ្នកគាំទ្រជាច្រើន យល់ថាពួកគេពិតជាមានទំនាក់ទំនងរយៈខ្លីជាមួយគ្នាពិតមែន គ្រាន់តែមិនបានប្រកាសប្រាប់សាធារណជន៕