ឆ្នាំចមាន ៥ ប្រភេទ ចុះអ្នកស្ថិតក្នុងប្រភេទណា ហើយជាមនុស្សបែបណា?

2018-02-02 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងទ្រឹស្ដីធាតុរបស់ជនជាតិចិន និមិត្តសញ្ញានៃឆ្នាំនីមួយៗត្រូវបានផ្សារភ្ជាប់ជាមួយនឹងធាតុមួយក្នុងចំណោមធាតុទាំង ៥ គឺ មាស (លោហៈ) , ឈើ , ទឹក , ភ្លើង និង ដី។ ឧទាហរណ៍ ឆ្នាំចធាតុឈើ កើតមានម្ដងក្នុងវដ្ដ ៦០ ឆ្នាំ។ វាត្រូវគេជឿជាក់ថា បុគ្គលិកលក្ខណៈរបស់មនុស្ស ត្រូវបានសម្រេចតាមរយៈឆ្នាំកំណើត និងធាតុរបស់ពួកគេ។

ខាងក្រោមនេះគឺជាបុគ្គលិកលក្ខណៈទាំង ៥ របស់មនុស្សដែលកើតឆ្នាំច៖

#១ ឆ្នាំចធាតុឈើ (កើតឆ្នាំ១៩៣៤, ឆ្នាំ១៩៩៤...) ៖ ជាមនុស្សស្មោះត្រង់ , គួរឲ្យទុកចិត្ត , ចេះពិចារណា , ចេះយល់ដឹង និង ចេះអត់ធ្មត់។

#២ ឆ្នាំចធាតុភ្លើង (កើតឆ្នាំ១៩៤៦, ២០០៦...) ៖ ជាមនុស្សឆ្លាតវៃ , ឧស្សាហ៍ព្យាយាម និង ស្មោះត្រង់។

#៣ ឆ្នាំចធាតុដី (កើតឆ្នាំ១៩៥៨, ២០១៨...) ៖ ជាមនុស្សពូកែខាងទំនាក់ទំនង , ច្បាស់លាស់ និង ចេះទទួលខុសត្រូវក្នុងការងារ។

#៤ ឆ្នាំចធាតុមាស (កើតឆ្នាំ១៩១០, ១៩៧០...) ៖ ជាមនុស្សចូលចិត្តអភិរក្ស , គួរឲ្យស្រលាញ់ចង់បាន , ប្រុងប្រយ័ត្ន ហើយតែងតែត្រៀមខ្លួនជួយអ្នកដទៃ។

#៥ ឆ្នាំចធាតុទឹក (កើតឆ្នាំ១៩២២, ១៩៨២...) ៖ ជាមនុស្សក្លាហាន និងគិតពីខ្លួនឯងជាធំ ហើយហាក់បីដូចជាអាត្មានិយម ប៉ុន្តែចេះដោះស្រាយបញ្ហាហិរញ្ញវត្ថុបានល្អ។

គួរឲ្យដឹងថា ឆ្នាំ២០១៨ គឺជាឆ្នាំនៃសត្វសុនខ បើគិតតាមវដ្ដនៃឆ្នាំសត្វទាំង ១២ របស់ចិន។ ឆ្នាំនៃសុនខ មានដូចជា … ១៩៣៤, ១៩៤៦, ១៩៥៨, ១៩៧០, ១៩៨២, ១៩៩៤, ២០០៦, ២០១៨, ... ជាដើម។ វាឈរនៅលេខរៀងទី ១១ នៃឆ្នាំសត្វទាំង ១២ របស់ចិនបន្ទាប់ពីឆ្នាំរកា និង ឆ្នាំកុរ៕

ចុចអាន៖

ប្រភព៖ China Highlights ប្រែសម្រួល៖ សេង ឡុង