Selena Gomez បង្ហាញខ្លួនឡើងវិញ ក្រោយទទួលបានការព្យាបាលជំងឺបាក់ទឹកចិត្ត

2018-02-04 08:51:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Selena Gomez ត្រូវបានគេប្រទះឃើញចេញទៅក្រៅនិងជួបជុំមិត្តភ័ក្ដិឡើងវិញ នៅតំបន់ផ្នែកខាងត្បូងនៃរដ្ឋ កាលីហ្វ័រញ៉ា សហរដ្ឋអាមេរិក។

អស់រយៈពេលមួយថ្ងៃក្រោយទទួលបានការព្យាបាលជំងឺបាក់ទឹកចិត្ត និងអារម្មណ៍ស្មុគស្មាញ ពេលនេះនាងបានចេញទៅក្រៅ និងញ៉ាំអាហារជាមួយមិត្តភ័ក្ដិនៅតំបន់ Casa Vega រដ្ឋ កាលីហ្វ័រញ៉ា។

នាងត្រូវបានគេប្រទះឃើញស្លៀកឈុត ខោវប៊យជាមួយអាវក្នុងពណ៌ស ដោយស្ពាយកាបូបម៉ាក Louis Vuitton យ៉ាងស្រស់ស្អាត។ តារាវ័យ២៥ឆ្នាំ បានស្លៀកឈុតនេះ ដើម្បីចូលរួមមិត្តភ័ក្តញ៉ាំអាហារបែប ម៉ិកស៊ីកូរួមគ្នា នៅក្នុងភោជនីយដ្ឋានដ៏ល្បីឈ្មោះមួយ។

បើតាមប្រភពជិតស្និទ្ធរបស់ Selena មួយបានឲ្យដឹងថា៖ "ម្ចាស់បទ 'Come and Get It' នេះទើបតែត្រលប់មកពីទីក្រុង New York សម្រាប់កម្មវិធីព្យាបាលជំងឺបាក់ទឹកចិត្តក្នុងរយៈពេល ២សប្ដាហ៍។"

ប្រភពនេះបន្តទៀតថា៖ "នាងបានឆ្លងកាត់ឆ្នាំដ៏លំបាកមួយ ដូច្នេះហើយទើបនាងសម្រេចចិត្តចំណាយពេលខ្លះ ដើម្បីយកចិត្តទុកដាក់នឹងខ្លួនឯង។ សុខភាពរបស់នាងគឺពិតជាសំខាន់។"

លើសពីនេះទៅទៀត សង្សារនាង Justin Bieber ក៏បានដឹងពីបញ្ហានេះដែរ ហើយគាំទ្រ Selena ព្យាបាលជំងឺទាំងនេះ និងចង់ឲ្យនាងមានអារម្មណ៍សប្បាយរីករាយ៕