មកស្គាល់តារា២រូប ដើរតួជាព្រះអង្គម្ចាស់ Harry និង Meghanក្នុងរឿងថ្មី១

2018-02-06 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈពេលដែលគូស្នេហ៍រាជវង្សមួយគូនេះជិតចូលរោងការឆាប់ៗ ប៉ុស្តិ៍ទូរទស្សន៍ Lifetime របស់សហរដ្ឋអាមេរិកបានរកឃើញតារាសម្ដែង២រូប ដើម្បីមកចូលរួមដើរតួជាតួអង្គព្រះអង្គម្ចាស់ Harry និង Meghan Markle។

តារាសម្ដែង Murray Fraser

ប៉ុស្តិ៍ទូរទស្សន៍មួយនេះ បានបញ្ចប់ការស្វែងរកតួអង្គឯក២រូប ដើម្បីចូលរួមសម្ដែងក្នុងភាពយន្តសម្រាប់បញ្ចាំងលើទូរទស្សន៍ ចំណងជើងថា "Harry & Meghan: A Royal Romance” ដែលបង្ហាញពីសេចក្ដីស្នេហារបស់អ្នកទាំងពីរក្នុងរយៈពេលតែ ៣ខែតែប៉ុណ្ណោះ រហូតឈានដល់ការភ្ជាប់ពាក្យនិងរៀបអាពាហ៍ពិពាហ៍ក្នុងពេលឆាប់ៗនេះ។

តារាសម្ដែងជាតួអង្គព្រះអង្គម្ចាស់ Harry គឺបានទៅលោក Murray Fraser ជាតារាសម្ដែងសញ្ជាតិអង់គ្លេសមកពីទីក្រុងឡុង និងតួអង្គ Meghan បានទៅលើតារាសម្ដែង Parisa Fitz-Henley មកពីសហរដ្ឋអាមេរិក។

តារាសម្ដែង Parisa Fitz-Henley

ដំណើរការថត នឹងចាប់ផ្ដើមនៅចុងសប្ដាហ៍នេះ ដោយមានទីតាំងថតនៅទីក្រុង Vancouver និង Los Angeles ដែលគ្រោងនឹងដាក់បញ្ចាំងនៅរដូវផ្ការីកនេះ មុននឹងពិធីរៀបអភិសេកពិតប្រាកដ ប្រព្រឹត្តទៅនៅថ្ងៃទី ១៩ ខែឧសភា។

នេះមិនមែនជាលើកទី១ នោះទេដែល Lifetime បានផលិតភាពយន្តប្រភេទនេះ ដោយពួកគេក៏ធ្លាប់ផលិតភាពយន្តនិយាយពីទំនាក់ទំនងស្នេហារបស់ព្រះអង្គម្ចាស់ William និង Kate Middleton ម្ដងរួចមកហើយ ដោយរឿងនោះមានចំណងជើងថា "William & Kate” កាលពីឆ្នាំ ២០១១៕