ប្រកាសគម្រោងសង់ព្រលានព្រឹបទៅទិញដីព្រូស តែចង់ដឹងអត់អ្នកណាត្រូវប៉ាន់ពិត?

2018-02-06 04:10:38
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមនុស្សមិនតិចនាក់ទេសម្រុកទៅទិញដីនៅតំបន់ស្រុកកណ្ដាលស្ទឹង ខេត្តកណ្ដាល បន្ទាប់ពីរដ្ឋាភិបាលប្រកាសសាងសង់ព្រលានយន្តហោះថ្មី ដោយគិតថាត្រូវប៉ាន់មួយរំពេច។ ប៉ុន្តែការគិតអាចខុសបំណងបន្តិច ព្រោះតាមពិតព្រលានយន្តហោះអន្តរជាតិថ្មីនេះ មិនអាចសាងសង់ក្នុងឆ្នាំនេះឡើយ យ៉ាងហោចណាស់ក៏២ ឬ៣ឆ្នាំទៀតដែរ។ នេះបើតាមឯកឧត្តម កែវ ស៊ីវន អគ្គនាយកបច្ចេកទេសនៃអាកាសចរណ៍កម្ពុជា។

រូបតំណាង

ដោយឡែកអ្នកដែលត្រូវប៉ានពិតប្រាកដ គឺប្រជាពលរដ្ឋនៅស្រុកកណ្ដាលស្ទឹងនេះតែម្ដង ពីមុនតម្លៃមួយម៉ែត្រការ៉េ មានចាប់ពី១ដុល្លារ ដល់៥ដុល្លារ ឬមួយហិកតា ១ម៉ឺនដុល្លារ ទៅ៥ម៉ឺនដុល្លារ ហើយបានឡើងថ្លៃដល់មួយម៉ែត្រការ៉េ ១០ដុល្លារ ទៅដល់៦០ដុល្លារ ក្រោយការប្រកាសគម្រោងនេះ។

រូបតំណាង

ការប្រកាសគម្រោងនេះ ធ្វើឲ្យអ្នកស្រុកកណ្ដាលស្ទឹងត្រូវប៉ាន់ដីមួយរំពេចមិននឹកស្មានដល់។ យ៉ាងណាក្ដីបើតាមអ្នកជំនាញផ្នែកអចលនទ្រព្យជាង១០ឆ្នាំមកហើយ លោក គីម ហ៊ាង បានផ្ដល់ជាយោបល់ទៅប្រជាពលរដ្ឋត្រូវប៉ាន់ដីថា ប្រសិនបើលក់ដី២ហិកតា បាន១០ម៉ឺនដុល្លារ គួរយកលុយ ១/៤ ឬស្មើ ២៥ ០០០ដុល្លារទៅទិញដីឆ្ងាយពីតំបន់នោះប្រហែល ៥ ឬ១០គីឡូម៉ែត្រ ឲ្យបាន៤ហិកតាទៅ។ ដូចនេះលុយនៅសល់ ៧៥ ០០០ដុល្លារ ត្រូវគិតពីការរកស៊ីវិញ។

លោកបន្ថែមថា ប្រជាពលរដ្ឋភាគច្រើន បើលក់ដីបាន១០ម៉ឺនដុល្លារ សឹងតែយកទៅសង់ផ្ទះទាំងអស់តែម្ដងគ្មានទុកទេ ហើយអត់មានគិតពីការរកស៊ីសោះ។ ដូច្នេះអាចនឹងនាំហានិភ័យច្រើនដល់គ្រួសារ ព្រោះសង់ផ្ទះហើយ អស់លុយរលីងមានតែសំបកផ្ទះ គ្មានដើមទុនសូម្បីបន្តិចដើម្បីរកស៊ី ទៅថ្ងៃមុខទោះចង់ឫមិនចង់ប្រាកដជាលក់ផ្ទះនោះវិញមិនខាន៕

ចុចអាន៖