Angelina Jolie បណ្ដើរកូនស្រីទាំងទ្វេ ចូលរួមកម្មវិធីប្រគល់ពានមួយ

2018-02-06 07:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ប្រចាំហូលីវូដ Angelina Jolie បានបង្ហាញខ្លួននៅលើកម្រាលព្រំក្រហមកាលពីថ្ងៃសៅរ៍សប្ដាហ៍មុននេះជាមួយកូនស្រីទាំងពីររូបរបស់ខ្លួន។

Zahara វ័យ ១៣ឆ្នាំ និង Shiloh វ័យ ១១ឆ្នាំ បានដើរត្រសងជាមួយម្ដាយ Angelina ចូលរួមកម្មវិធីប្រគល់ពាន Annie Awards ប្រចាំឆ្នាំ ២០១៨ ដែលធ្វើឡើងនៅមហោស្រព Royce Hall ទីក្រុង Los Angeless សហរដ្ឋអាមេរិក។

តារាស្រីអតីតភរិយា Brad Pitt បានចូលរួមកម្មវិធីនេះ ដើម្បីគាំទ្រភាពយន្តគំនូរជីវចលរបស់ខ្លួន ដែលបានជ្រើសរើសជាភាពយន្តដណ្ដើមពានជាច្រើន។

ភាពយន្តគំនូរជីវចលនោះ មានចំណងជើងថា "Breadwinner” និយាយអំពីការតស៊ូរបស់ក្មេងស្រីម្នាក់ នៅក្នុងតំបន់ តាលីបង់ ប្រទេសអាហ្វហ្គានីស្ថាន ដែលទទួលបានឈ្មោះដណ្ដើមពានដល់ទៅ ១០ឯណោះ។ មិនត្រឹមតែប៉ុណ្ណោះ ភាពយន្តគំនូរជីវចលនេះដែរ ក៏ជាប់ឈ្មោះក្នុងចំណោមភាពយន្តគំនូរជីវចលល្អបំផុត ដើម្បីដណ្ដើមពានរង្វាន់អូស្ការទៀតផង៕