មិនធម្មតាទេ! តម្លៃព្យាបាលជំងឺផ្លូវចិត្ត Selena Gomez ថ្លៃកប់ពពក

2018-02-07 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Selena Gomez ទើបតែត្រូវគេបើកចំហពីការព្យាបាលជំងឺផ្លូវចិត្តរបស់នាងថ្មីៗនេះ នៅមន្ទីរពេទ្យដ៏ប្រណិតមួយឈ្មោះ "Prive-Swiss” ក្នុងរដ្ឋ Connecticut សហរដ្ឋអាមេរិក រយៈពេលដល់ទៅ ២អាទិត្យ។ នេះបើតាមប្រភពមួយប្រាប់សារព័ត៌មាន PageSix។

ប្រភពដដែលនេះបញ្ជាក់ថា តារាវ័យ២៥ឆ្នាំរូបនេះបានចូលរួមកម្មវិធីព្យាបាលមួយឈ្មោះថា "Prive-Swiss' Wellness program” បើយោងទៅតាមវិបសាយរបស់ក្រុមហ៊ុននេះ គឺសម្រាប់ជនទាំងឡាយណា ដែលចង់បានការព្យាបាល ដោយប្រើប្រាស់ថវិកាច្រើន និងមានលក្ខណៈទាន់សម័យ។

សម្រាប់ការព្យាបាលរយៈពេល ៣០ថ្ងៃ ជាធម្មតាចំពោះអ្នកជំងឺស្នាក់នៅទីនោះ គឺតម្រូវឲ្យបង់ប្រាក់ដល់ទៅ ១២ម៉ឺនដុល្លារ។ មន្ទីរព្យាបាល "Prive-Swiss” នេះដែរ អនុញ្ញាតឲ្យនាងចូលរួមកម្មវិធីជាច្រើនមានដូចជា ការរំសាយអារម្មណ៍ ការហាត់ប្រាណផ្សេងៗ និងជាពិសេសគឺសម្រាកឲ្យមានអាការៈស្រស់ស្រាយ។ សកម្មភាពទាំងនោះ សុទ្ធតែធ្វើឡើង និងចូលរួមពីសំណាក់គ្រូពេទ្យល្បីៗ ព្រមទាំងគ្រូបង្វឹកចំពោះផ្នែកនីមួយៗ។ មិនត្រឹមតែប៉ុណ្ណោះ នាងក៏អាចចាកចេញដើម្បីទៅបំពេញការងារ នៅទីក្រុង New York បានយ៉ាងងាយស្រួល ដោយមានសេវាដឹកជញ្ជូននាងផ្ទាល់ខ្លួន ក្នុងរយៈពេលតែ ១ម៉ោងកន្លះ។

Selena បានចំណាយពេលជាច្រើនក្នុងរយៈពេលប៉ុន្មានឆ្នាំចុងក្រោយមកនេះ ដើម្បីព្យាបាលជំងឺផ្លូវចិត្តដូចជានៅមន្ទីរព្យាបាល "Meadows facility” កាលពីឆ្នាំ ២០១៤ និង "Tennessee facility” កាលពីឆ្នាំ ២០១៦។ ទាំងនេះសុទ្ធតែដើម្បីព្យាបាលជំងឺផ្លូវចិត្ត និងស្មុគស្មាញផ្លូវអារម្មណ៍៕

អានអត្ថបទ៖

ប្រភព៖ pagesix ប្រែសម្រួល៖ ធារ៉ូ