Logo លើ Google ថ្ងៃនេះប្លែកជាងរាល់ដង តើមានអត្ថន័យបែបម៉េច?

2018-02-09 12:29:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្លាកសញ្ញា (Logo) នៃគេហទំព័រ Google បានប្រែរូបរាងតាំងតែពីព្រឹកថ្ងៃសុក្រនេះ ហើយក៏បង្កើតជាចម្ងល់ដល់អ្នកប្រើប្រាស់អ៊ីនធឺណិតរាប់លាននាក់ជុំវិញពិភពលោក។ តាមពិតទៅក្រុមហ៊ុនអាមេរិក មានបំណងដូច Facebook អ៊ីចឹងដែរ ដោយចូលរួមអបអរក្នុងការបើកព្រឹត្តិការណ៍ កីឡាអូឡាំពិករដូវរងាឆ្នាំ ២០១៨ នៅប្រទេសកូរ៉េខាងត្បូង។

រចនាជាវីដេអូភាគដោយឲ្យឈ្មោះ Snow Games Doodles ដំបូងឡើយសត្វពពេច (និមិត្តរូបតំណាងឲ្យសំណាងល្អក្នុងប្រទេសកូរ៉េ) ឈរលើអក្សរ Google អមដោយខ្យល់បក់លាយឡំគ្រាប់ព្រិល។ បន្ទាប់មកសត្វ Penguin ជិះស្គីទឹកកក ជាមួយនឹងសត្វឆ្កែ បញ្ចប់ដោយសត្វពស់ ក្នុងការប្រកួតប្រជែងយកពានរង្វាន់។

នេះជាភាគទី ១ នៃភាគទាំង ១៧ សរុប ដែលក្រុម Doodle Snow Games របស់ក្រុមហ៊ុន Google បានបញ្ចេញ ដោយថ្ងៃស្អែកៗទៀតនឹងបញ្ចេញម្តងមួយទាក់ទងនឹងទិដ្ឋភាពកីឡាអូឡាំពិករដូវរងា ដែលប្រព្រឹត្តិទៅចន្លោះថ្ងៃទី ៩ ដល់ ២៥ កុម្ភៈ មានការចូលរួមពីអត្តពលិកប្រមាណ ២ ពាន់នាក់ តំណាង ៩២ ប្រទេស មកប្រកួតលើ ១០០ វិញ្ញាសាខុសពីគ្នា។

ប្រភព: http://time.com/5141141/google-doodle-snow-games-winter-olympics/