ត្រៀមចូលឆ្នាំចិន ចាយលុយជាង ២០០ដុល្លារប្ដូរពណ៌សក់ តែលទ្ធផលសឹងតែបោកក្បាល

2018-02-11 04:42:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ ស្ត្រីជនជាតិម៉ាឡេស៊ីម្នាក់បានចំណាយប្រាក់ចំនួន ៩៥០ រីងហ្គីត (ជាង ២៤០ ដុល្លារ) ដើម្បីប្ដូរពណ៌សក់សម្រាប់ពិធីបុណ្យចូលឆ្នាំចិនខាងមុខ។

ប៉ុន្តែរឿងនឹកស្មានមិនដល់មួយដែលបានកើតឡើង គឺស្ត្រីរូបនេះ ត្រូវបានរលាកស្បែកក្បាលធ្ងន់ធ្ងរ និងមានឈាមហូរចេញពីក្បាលទៀតផង។ យោងតាមការបង្ហោះនៅក្នុងបណ្ដាញសង្គម Facebook របស់ប្អូនស្រី ឲ្យដឹងថា ពួកគេបានបញ្ជាក់ជាមួយស្ត្រីម្ចាស់ហាងដែរ មុនពេលធ្វើការប្ដូរពណ៌សក់ក្នុងតម្លៃដ៏ថ្លៃនេះ។ ប៉ុន្តែម្ចាស់ហាងមិនបានឆ្លើយតបនោះទេ ដោយសាររវល់ពេក ដូច្នេះ នាងក៏សម្រេចចិត្តឲ្យគេប្ដូរពណ៌សក់តែម្ដង។

រឿងដ៏អាក្រក់ បានកើតឡើងនៅពេលដែលសារធាតុគីមីក្នុងថ្នាំលាបសក់ ជ្រាបចូលទៅក្នុងស្បែកក្បាល ហើយម្ចាស់ហាងយកដៃញីស្បែកក្បាលរបស់នាងទៀតផង។ ក្រោយពីការប្ដូរពណ៌សក់រួច នាងមានការឈឺចាប់ស្បែកក្បាលយ៉ាងខ្លាំង។

ទោះជាយ៉ាងណាក៏ដោយ ការចែករំលែករបស់នាងក្នុងបណ្ដាញសង្គម Facebook មានការផ្ទុះឡើងយ៉ាងខ្លាំង ដោយសារតែមនុស្សជាច្រើនមានគម្រោងនឹងប្ដូរពណ៌សក់ ខណៈដែលថ្ងៃចូលឆ្នាំចិន កាន់តែជិតមកដល់៕