មហាសេដ្ឋី Bill Gate ប្រកាសឈ្មោះគ្រូឆ្នើមជាសកលទាំង ១០ រូប

2018-02-15 06:31:23
ចំនួនមតិ 0 | ចំនួនចែករំលែក 0

ចន្លោះមិនឃើញ

សហស្ថាបនិកក្រុមហ៊ុន Microsoft លោក Bill Gates បានប្រកាសគ្រូឆ្នើមទាំង ១០រូប ក្នុងព្រឹត្តិការណ៍ ពានរង្វាន់គ្រូបង្រៀនសកល (Global Teacher Prize) ឆ្នាំ ២០១៨ រៀបចំដោយមូលនិធិ Varkey ដោយអ្នកឈ្នះទទួលបាន ១ លានដុល្លារ។ ជម្រើសទាំង ១០នេះ ជ្រើសរើសចេញពីអ្នកចូលរួមជាង ៣០ ០០០ នាក់ពី ១៧៣ ប្រទេស។

ព្រឹត្តិការណ៍ពានរង្វាន់គ្រូបង្រៀនសកលនេះ ធ្វើឡើងក្នុងគោលបំណងជំរុញទឹកចិត្តដល់គ្រូៗ ក្នុងការអភិវឌ្ឍវិស័យអប់រំឲ្យកាន់តែប្រសើរ។ ការអប់រំអាចជួយកាត់បន្ថយភាពក្រីក្រ និងអយុត្តិធម៌ក្នុងសង្គម។

លោក Bill Gates លើកឡើងថា៖ "ការអភិវឌ្ឍលើពិភពលោក ទាមទារការអប់រំជាចំណុចស្នូល ដែលអាចធានាក្នុងការផ្តល់ និងទទួលយកឧកាស សម្រាប់សង្គម ឬបុគ្គលម្នាក់ៗ។ ការស្រាវជ្រាវបង្ហាញថា គ្រូបង្រៀនល្អ ជាកត្តាសំខាន់ ក្នុងការកំណត់ថាតើសិស្សទទួលបានការអប់រំល្អប៉ុណ្ណា"។

វីដេអូ៖

បញ្ជីឈ្មោះគ្រូបង្រៀន ទទួលបានរង្វាន់ក្នុងព្រឹត្តិការណ៍ ពានរង្វាន់គ្រូបង្រៀនសកលឆ្នាំ ២០១៨

Andria Zafirakou ជាគ្រូបង្រៀនសិល្បៈ នៅទីក្រុងឡុងភាគខាងជើង ប្រទេសអង់គ្លេស
Nurten Akkus ជាគ្រូបង្រៀនថ្នាក់មត្តេយ្យ នៅទីក្រុង Samsun ប្រទេសតួកគី
Marjorie Brown ជាគ្រូបង្រៀនប្រវត្តិសាស្ត្រ នៅទីក្រុង Johannesburg ប្រទេសអាហ្វ្រិកខាងត្បូង
Luis Gutierrez ជាគ្រូបង្រៀនវិទ្យាសាស្ត្រសង្គម នៅទីក្រុង Bogota ប្រទេសកូឡុំប៊ី
Jesus Insilada ជាគ្រូបង្រៀនភាសាអង់គ្លេស នៅទីក្រុង Iloilo ប្រទេសហ្វីលីពីន
Glenn Lee ជាគ្រូបង្រៀនវិស្វកម្ម និងបច្ចេកវិទ្យា នៅទីក្រុង Hawaii សហរដ្ឋអាមេរិក
Diego Mahfouz Faria Lima ជានាយកសាលា នៅទីក្រុង Sao Paulo ប្រទេសប្រេស៊ីល
Koen Timmers ជាគ្រូបង្រៀនវិទ្យាសាស្ត្រកុំព្យូទ័រ នៅទីក្រុង Heusden-Zolder ប្រទេសបែលហ្ស៊ិក
Eddie Woo ជាគ្រូបង្រៀនគណិតវិទ្យា នៅទីក្រុង Sydney ប្រទេសអូស្ត្រាលី
Barbara Anna Zielonka ជាគ្រូបង្រៀនភាសាអង់គ្លេស នៅទីក្រុង Nannestad ប្រទេសន័រវែល ៕