លោក ព្រាប សុវត្ថិ បញ្ជូនកញ្ចប់ថវិកាទៅលោកតា ប្រាជ្ញ ឈួន ហើយ!

2014-11-12 19:23:56
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ព្រាប សុវត្ថិ បានបញ្ជូនកញ្ចប់ថវិកាភ្លាមៗទៅកាន់ទូរទស្សន៍ហង្សមាស ត្រៀមយកទៅប្រគល់ជូនលោកតា ប្រាជ្ញ ឈួន បន្ទាប់ពីទើបដឹងថាព្រឹទ្ធាចារ្យមានជំងឺរុំារ៉ៃ។

ថវិកាសប្បុរសផ្ទាល់ខ្លួននេះ មានចំនួន១លានរៀល។ កំពូលតារាចម្រៀងរូបនេះ បានទូរសព្ទមកក្រុមការងារ Sabay មុននេះប្រាប់ថា លោកពិតជាមិនបានទទួលព័ត៌មានសោះពីមុនមកពីលោកតា ប្រាជ្ញ ឈួន ដែលឈឺធ្ងន់ ដោយសារលោកមិនចេះលេង Facebook ផ្សំនឹងលោករវល់មិនសូវបានតាមដានព័ត៌មានផង។ ដូច្នេះហើយភ្លាមៗ លោកស្រឡាំងកាំងពេលលឺថា ព្រឹទ្ធាចារ្យចាប៉ីខ្មែររូបនេះចង់ជួប និងមិនដឹងថាចង់ជួបក្នុងបំណងអ្វី។

យ៉ាងណាក្រោយពីដឹង តាមរយៈមិត្តភ័ក្ដិទូរសព្ទប្រាប់ លោកថា លោកបានបញ្ជូនកញ្ចប់ថវិការួចហើយទៅជូនលោកតាតាមរយៈទូរទស្សន៍ហង្សមាស។ បន្ថែមពីនេះ លោកក៏បានស្នើឲ្យលោក មាស រិទ្ធី ឲ្យជួយអំពាវនាវដើម្បីរកជំនួយសម្រាប់លោកតាបន្ថែមទៀត។

អត្ថបទ៖ លោកតា ប្រាជ្ញ ឈួន ចង់ជួប ព្រាប សុវត្ថិ និង ខេមរៈ សិរីមន្ត !

“មានអីសិល្បករ យើងមានតែជួយគ្នាហ្នឹងហើយ អីចឹងឥឡូវហ្នឹង ខ្ញុំបានបញ្ជូនថវិកា១លានរៀលទៅហង្សមាស ត្រៀមយកទៅជូនគាត់ ទុកដោះស្រាយតាមតម្រូវការផ្សេងៗ និងបានឲ្យធីនៅហង្សមាស ជួយអំពាវនាវបន្ថែមទៀត ក្រែងមានសប្បុរសជនផ្សេងទៀតគាត់ជួយ!"។

លោក ព្រាប សុវត្ថិ ប្រាប់ទៀតថា នាពេលនេះ លោកបានត្រឹមតែបរិច្ចាគមុនសិនប៉ុណ្ណោះ មិនទាន់ច្បាស់ពីគម្រោងទៅជួបលោកព្រឹទ្ធាចារ្យដោយផ្ទាល់ឡើយ ព្រោះនាពេលនេះ លោកកំពុងមមាញឹកខ្លាំង៕

អត្ថបទ៖ ទីបំផុត ខេមរៈ សិរីមន្ត បានទៅដល់ផ្ទះលោកតា ប្រាជ្ញ ឈួន ហើយព្រឹកនេះ!

អត្ថបទផ្សេងទៀតពីលោក ព្រាប សុវត្ថិ

អត្ថបទ៖ ទារិកា