មេធំ Tesla ចេញមុខឆ្លើយតបភ្លាមៗ ក្រោយរថយន្ត Model 3 កើតគ្រោះថ្នាក់បុកទង្គិចធ្ងន់ធ្ងរ

2018-02-20 02:03:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងបណ្ដាញសង្គម Reddit ម្នាក់បានបង្ហោះរូបភាព ពីភាពខ្ទេចខ្ទីរបស់រថយន្ត Tesla Model 3 ក្រោយប៉ះទង្គិចយ៉ាងដំណំ។ សំណាងល្អ ពុំមានអ្នករបួសធ្ងន់ធ្ងរនោះទេ។

អ្នករងគ្រោះ របួសជើងស្ដាំបន្តិច ពីកន្លែងជាន់ហ្ការ (Gas Pedal)។ អ្នករួមដំណើរ ដាច់រលាត់ដៃ ដោយសារអេក្រង់មើលព័ត៌មានខាងមុខបែក (Infotainment Screen )។

ការបែកអេក្រង់ខាងមុខនោះ បានបិទផ្លូវក្នុងការបើកប្រអប់នៅខាងមុខកន្លែងដាក់ឯកសារផ្សេងៗ ដែលធ្វើឲ្យអ្នកបើកបរពិបាកបើកយក។

ឆ្លើយតប ទៅនឹងបញ្ហាអេក្រង់បែក និងប្រអប់ដាក់ឯកសារ លោក Elon Musk នាយកប្រតិបត្តិក្រុមហ៊ុន Tesla បានបង្ហាញគំនិតលើ Twitter ថា រថយន្ត Model 3 ជំនាន់ក្រោយនឹងពង្រឹងប្រព័ន្ធសុវត្ថិភាពបន្ថែម ដើម្បីដកចេញនូវបញ្ហានេះ។

គំនិតរបស់គាត់ចង់ឲ្យ ប្រអប់ដាក់ឯកសារនៅផ្នែកខាងមុខបើកដោយស្វ័យប្រវត្តិ ក្រោយពេលប៉ះទង្គិច ក៏ដូចជាភ្ជាប់ស្រទាប់ប្លាស្ទិកទៅនឹងអេក្រង់ខាងមុខ ដើម្បីឲ្យរឹតចូលគ្នាបានល្អ។

Adding software feature to open glovebox automatically when car comes to a stop after a crash. Will look at bonding a thin plastic sheet to the front or back of screen.
— Elon Musk (@elonmusk) February 16, 2018

ក្រុមផលិតរថយន្ត បានព្យាយាមធ្វើការយ៉ាងល្អបំផុត ដើម្បីពិនិត្យ និងដោះស្រាយ អ្វីដែលអាចកើតឡើង កំឡុងពេលរថយន្តប៉ះទង្គិច។ រាល់រថយន្តមានវត្តមានលើទីផ្សារ សុទ្ធតែបានឆ្លងកាត់ការសាកល្បងលើចំណុចនេះ។ តែទោះជាយ៉ាង ក៏នៅតែមានចន្លោះប្រហោងមួយចំនួនតូច ដែលពិបាកស្មានដល់៕

យ៉ាងណាមិញ ចំពោះការពង្រឹងសមត្ថភាពអេក្រង់ ប្រហែលជាតម្រូវនូវ Hardware ថ្មីជំនួស៕