តួ Stunt ខ្មែរល្បីឈ្មោះនៅបារាំងនឹងក្លាយជាគ្រូបង្វឹកឈុតប្រយុទ្ធរបស់ក្រុមហ៊ុន Marvel

2018-02-19 08:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Maurice Chan ជាតារាសម្ដែង Stunt សញ្ជាតិខ្មែរមួយរូបនៅ Hollywood ដែលធ្លាប់សម្ដែងជាមួយតារាល្បីៗជាច្រើនដូចជា Jet Li និង Morgan Freeman ជាដើម។

លោក Maurice Chan

ថ្មីៗនេះលោកត្រូវបានក្រុមហ៊ុនយក្ស Marvel Studio ជួលឲ្យធ្វើការងារមួយសម្រាប់ការសម្ដែងល្ខោនមួយនៅសួនកម្សាន្ត Disneyland ប្រចាំទីក្រុងប៉ារីសប្រទេសបារាំង។ គម្រោងនោះតម្រូវឲ្យលោកធ្វើជាអ្នកបង្ហាត់គុណ និងរៀបចំឈុតឆាកវាយប្រហារទាំងអស់ ចំពោះកាសម្ដែងល្ខោនមួយមានចំណងជើងថា "Avengers Show”។ គម្រោងនេះនឹងចាប់ផ្ដើមនៅថ្ងៃទី១០ ខែមិថុនា នៅស្ទូឌីយោ របស់ក្រុមហ៊ុន Disney ផ្ទាល់តែម្ដងរហូតដល់ថ្ងៃទី៣០ខែកញ្ញា។ លោកនឹងក្លាយជាអ្នករៀបចំ និងទទួលខុសត្រូវទៅលើក្បាច់វាយតប់ និងជាអ្នកបង្ហាត់តារាសម្ដែងទាំងអស់រាល់ឈុតឆាកវៃប្រហារ។

Poster សម្រាប់ការសម្ដែងល្ខោន "Avengers Show"

ការសម្ដែងនេះនឹងចូលរួម ដោយតារាសម្ដែងដល់ទៅ ៣០រូប ហើយមិនត្រឹមតែប៉ុណ្ណោះវាគឺជាការសម្ដែងលើកដំបូងរបស់ "Avengers Show” នៅកន្លែងកម្សាន្ត Dinseyland ទូទាំងពិភពលោក។

លោក Maurice បានយល់ថានេះជាឱកាសដ៏ល្អមួយសម្រាប់លោកនិងប្រទេសកម្ពុជា ដោយបាននិយាយដូច្នេះថា៖ "នេះជាការសម្ដែងលើកទី១ ចំពោះ 'Avenger Show' នៅកន្លែងកម្សាន្ត Disneyland ទូទាំងពិភពលោក ហើយវាជាដ៏ កិត្តិយសមួយលោក និងស្វាគមន៍ការសម្ដែងទាំងនេះនៅទីក្រុង'Paris'។"