ស្រោមជើងឆ្លាតវៃ ផលិតសម្រាប់ទារក មួយគូថ្លៃដល់ ៣០០ ដុល្លារ

2018-02-21 09:01:55
ចំនួនមតិ 0 | ចំនួនចែករំលែក 0

ចន្លោះមិនឃើញ

រោគសញ្ញានៃជំងឺម្យ៉ាងឲ្យឈ្មោះ SIDS បណ្ដាលឲ្យទារកដេកស្លាប់ភ្លាមៗទាំងគ្មានមូលហេតុ ប្រហែល ៣ ៧០០ នាក់ គិតត្រឹមឆ្នាំ ២០១៥។ នេះបើយោងតាមទិន្នន័យពី CDC បានស្រាវជ្រាវ។

ដើម្បីបញ្ចប់រឿងរ៉ាវគួរឲ្យខ្លាចរអាលមួយនេះ ស្រោមជើងឆ្លាតវៃ Owlet Smart Sock ក៏បានប្រកាសលក់នៅលើទីផ្សារ។

ផ្អែកតាមស្រ្តីម្នាក់មានឈ្មោះ Jeniece Pettitt ដើម្បីបញ្ចៀសរឿងហេតុមិនល្អ អ្នកស្រីបានទិញស្រោមជើងពិសេសសម្រាប់ទារករបស់ខ្លួន ដែលទើបកើតកាលពីខែតុលា។

ក្នុងតម្លៃ ២៩៩ ដុល្លារ ផលិតផល Owlet មានបច្ចេកវិទ្យាឥតខ្សែត្រួតពិនិត្យនៅចង្វាក់បេះដូង និងកម្រិតអុកស៊ីហ្សែនរបស់ទារក ហើយជូនដំណឹងនូវព័ត៌មានទាំងឡាយ ទៅកាន់ឧបករណ៍មួយផ្សេងទៀត ដែលអ្នកអាចតម្កល់ទុកនៅទីតាំងណាមួយក្នុងចម្ងាយ ៣០ ម៉ែត្រ។ បើកាលណាចាប់បានថាចង្វាក់បេះដូងទារកមានការប្រែប្រួលដល់ចំណុចគ្រោះថ្នាក់ ភ្លាមនោះនឹងបន្លឺសំឡេងរោទ៍។

ម្យ៉ាងវិញទៀតក៏អាចភ្ជាប់ជាមួយស្មាតហ្វូន ប៉ុន្តែតម្រូវឲ្យបង់ថ្លៃសេវាប្រចាំខែ ៧ ដុល្លារ ។ ជាប្រភេទឧបករណ៍ប្រើថ្ម ដែលទាមទារឲ្យអាណាព្យាបាលសាកបំពេញសឹងតែរៀងរាល់មួយថ្ងៃម្តង ដោយវានឹងបញ្ជូនសញ្ញានូវភ្លើងលោតភ្លឹបភ្លែត អំឡុងពេលជិតអស់ថាមពល។