ហេតុផល ២ បើមិនចាំបាច់ កុំទាន់ទិញ Galaxy S8/S8+ ក្នុងខែកុម្ភៈនេះ

2018-02-22 02:02:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញបានណែនាំឲ្យអតិថិជនដែលកំពុងលៃលករកទិញស្មាតហ្វូន Galaxy S8/S8+ គួរផ្អាកការគិតមួយរយៈសិន ស្របពេលក្រុមហ៊ុន SAMSUNG ក៏កៀកដល់ថ្ងៃដាក់បង្ហាញផលិតផលថ្មីនាសប្តាហ៍ក្រោយ ក្នុងពិព័រណ៍ MWC នៅទីក្រុង Barcelona ប្រទេសអេស្ប៉ាញ។

ហេតុផលចម្បង ២ ដែលគ្រប់គ្នាគួររង់ចាំ។ ទីមួយ Galaxy S9 និង S9+ ប្រាកដណាស់នឹងវិវត្តនូវកម្លាំងម៉ាស៊ីន សមត្ថភាពកាមេរ៉ា ក៏ដូចជាប្រព័ន្ធ Software កាន់តែទំនើប មួយទៀតអតិថិជនក៏មានឱកាសសាកល្បងស្មាតហ្វូនជំនាន់ក្រោយបង្អស់ពីក្រុមហ៊ុនយក្សកូរ៉េខាងត្បូង។ ទីពីរតាមការប្រមើលមើល រាល់ត្រកូល S សេរ៊ីថ្មីបង្ហាញខ្លួន ជំនាន់ S8/S8+ ប្រាកដជាចុះថោក ឬម្យ៉ាងទៀតអ្នកអាចថែមលុយទិញ S9 ករណីតម្លៃខុសគ្នាបន្តិចបន្តួច។

យ៉ាងណាមិញប្រសិនជាអ្នកពេញចិត្តស្មាតហ្វូនអេក្រង់ធំ អមនឹងការប្រើប៊ិច Stylus ពិតណាស់ ដែលអាចសម្រេចចិត្តលើ Galaxy Note 8 ឬចង់ភ្លក់ផលិតផលថ្មី ដោយរង់ចាំប្រហែល ៤ ទៅ ៥ ខែទៀត។