អស្ចារ្យ! កុមារីអច្ឆរិយឥណ្ឌាម្នាក់បំបែកឯកត្តកម្មច្រៀង១០២ ភាសា រយៈពេលស្មានមិនដល់

2018-02-22 04:08:39
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវភ្ញាក់ផ្អើលបានកើតឡើង ដោយបានធ្វើឲ្យមហាជនជាច្រើនជុំវិញពិភពលោកនឹកស្មានមិនដល់ចំពោះក្មេងស្រីម្នាក់ដែលមានទេពកោសល្យអស្ចារ្យអាចបំបែកកំណត់ត្រាពិភពលោកដល់ទៅ ២ក្នុងពេលតែ១។

កុមារីជនជាតិឥណ្ឌាវ័យ ១២ឆ្នាំម្នាក់មានឈ្មោះថា Suchetha Satish បានធ្វើឲ្យមហាជនបើភ្នែកសព្រាត ពេលនាងអាចបំបែកឯកត្តកម្មពិភពលោកដល់ទៅ ២ក្នុងពេលតែមួយ ដោយច្រៀងចម្រៀងដល់ទៅ ១០២ភាសាខុសៗគ្នា អំឡុងពេលប្រគំតន្ត្រី ដែលមានរយៈពេលជាង ៦ម៉ោងតែឯង។

កុមារីថ្នាក់ទី ៧ ថ្នាក់វិទ្យាល័យក្នុងទីក្រុងឌុយបៃរូបនេះ បានត្រៀមខ្លួនបំបែកកំណត់ត្រាអស្ចារ្យនេះត្រឹមរយៈពេល១ឆ្នាំប៉ុណ្ណោះ។ Suchetha អាចច្រៀងភាសាឥណ្ឌាផ្សេងៗទៀតជាច្រើនដូចជា Hindi, Malayalam, Tamil ក៏ដូចជាអង់គ្លេសជាដើម និងភាសាផ្សេងទៀតជាច្រើន។

នៅថ្ងៃដ៏មានន័យ ទី ២៥ ខែមករា ឆ្នាំ ២០១៨ ក្មេងតូចអាយុ ១២ឆ្នាំនេះ បានឡើងបង្ហាញសមត្ថភាពចំពោះមហាជនជាច្រើននាក់ក្នុងទីក្រុងឌុយបៃ ដោយច្រៀងដល់ទៅ ១០២ភាសា ក្នុងរយៈពេលរហូតទៅដល់៦ម៉ោង និង១៥នាទី។

កុមារឆ្នើមនេះកើតក្នុងគ្រួសារដែលស្រឡាញ់តន្ត្រីខ្លាំង ហើយនាងចាប់ផ្ដើមរៀនពីតន្ត្រី Carnatic (ប្រភេទតន្ត្រីរបស់ ឥណ្ឌា) នៅពេលនាងមានអាយុទើប ៤ឆ្នាំ។ រហូតដល់៨ឆ្នាំ Suchetha ក៏ចាប់ផ្ដើមរៀនតន្ត្រី Hindustani ទៀត។

ស្ដាប់ដល់នាទីទី ៤ នាងច្រៀងបទខ្មែរ៖

មានម្ដង នាងធ្លាប់និយាយប្រាប់វិបសាយ Gulf News ថា បទចម្រៀងជាភាសាបរទេសដែលនាងច្រៀងដំបូងគេគឺ ជប៉ុន។ ចំណែកបទចម្រៀងផ្សេងទៀតដែល Suchetha អាចច្រៀងបាន មានដូចជាបទភាសាខ្មែរ អារ៉ាប់ ចិន ហ្វីលីពីន បារាំង ហុងគ្រី អាល្លឺម៉ង់ ក្រិក កូរ៉េ រុស្សី ថៃ អ៊ុយក្រែន សូម៉ាលី វៀតណាម អេស្ប៉ាញ និងភាសាផ្សេងទៀតសរុបទាំងអស់ ១០២៕

ចុចអាន៖

ប្រភព៖ Odditycentral ប្រែសម្រួល៖ យី សុធារី