ត្បិតមិនដែលចាញ់តែការប៉ះ សរ សី គឺជាប្រកួតអន្តរជាតិលើកដំបូងរបស់ Phoe Thaw
- 2018-02-22 08:35:49
- ចំនួនមតិ 0 | ចំនួនចែករំលែក 0
ត្បិតមិនដែលចាញ់តែការប៉ះ សរ សី គឺជាប្រកួតអន្តរជាតិលើកដំបូងរបស់ Phoe Thaw
ចន្លោះមិនឃើញ
ថ្ងៃស្អែកការប្រកួតរវាងកីឡាករម្ចាស់ផ្ទះមីយ៉ាន់ម៉ា Phoe Thaw និងកីឡាករចាស់វស្សាកម្ពុជាសរ សី នឹងចាប់ផ្ដើមហើយ ក្នុងកីឡដ្ឋានក្នុងសាល Thuwunna Indoor Stadium ក្នុងទីក្រុងយាំងហ្គោន។
Phoe Thaw ជាកីឡាករ MMAលំដាប់ប្រទេសមួយរូបក្នុងប្រទេសមីយ៉ាន់ម៉ា បន្ទាប់ពីមិត្តរួមជាតិ Aung La N Sang ដែលជាម្ចាស់ខ្សែក្រវាត់ទម្ងន់ធ្ងន់ One Championship។ ឆ្លងកាត់៥ប្រកួតក្នុងទ្រង់កន្លងទៅ Phoe Thaw មិនដែលស្គាល់ជាតិចាញ់ឡើយ។ តែសម្រាប់ជ័យជម្នះទាំងអស់នោះ Phoe Thaw ផ្ដួលមិត្តរួមជាតិទាំងអស់ មិនដែលប្រកួតអន្តរជាតិទេ។ ការប្រឈមមុខជាមួយ សរ សីនៅរាត្រីស្អែកជាវាយអន្តរជាតិលើកដំបូងរបស់អតីតកូនសិស្ស ចាន់ រតនារូបនេះ។
ងាកទៅជើងខ្លាំងកម្ពុជាវិញ សរ សីខកខានឡើងសង្វៀនយូរ បន្ទាប់ពីជាប់ភារកិច្ចបង្ហាត់គុនខ្មែរនៅប្រទេសជប៉ុនជាង២ឆ្នាំ។ យ៉ាងណានេះមិនមែនជាលើកដំបូងទេដែលកីឡាករវ័យជ្រេចូលប្រកួត One Championship កាលពីឆ្នាំ២០១៥ គេធ្លាប់យកឈ្នះមិត្តរួមជាតិ ជីម ចិត្រាក្នុងទឹកពីរនាកម្មវិធីក្នុងទ្រុងល្បីមួយនេះ កាលរៀបចំនៅកម្ពុជា។ ប្រវត្តិប្រកួត MMA សរ សីធ្លាប់ប្រកួត៤ដង ឈ្នះ ៣ ចាញ់១។
ជារឿងចាប់អារម្មណ៍មួយទៀត ត្បិតតែមួយរយៈចុងក្រោយ Phoe Thaw ទៅហាត់នៅកោះភូកេតប្រទេសថៃ ប៉ុន្តែក្នុងការប្រកួតស្អែកអតីតគ្រូរបស់ខ្លួន ចាន់ រតនា នឹងទៅឲ្យទឹកផ្ទាល់នៅប្រទេសមីយ៉ានម៉ា។ នេះបើតាម ចាន់ រតនាប្រាប់ Sabay៕