Tao រងការវាយប្រហារយ៉ាងចាស់ដៃ ក្រោយជ្រុលខ្លួនអួតពីឡានស្ព័រ

2018-02-26 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតសមាជិកក្រុម EXO មកពីប្រទេសចិន Tao កំពុងប្រឈមនឹងការរិះគន់យ៉ាងចាស់ដៃពីមហាជន ពេលបង្ហាញឡានថ្មីកាលពីពេលថ្មីៗ។

Tao តារាប្រុសចិនល្បី ដែលបំបែកខ្លួនពីក្រុមចម្រៀង EXO បានបង្ហោះរូបភាពឡានទំនើបរួមមាន Lamborghini Aventador និង Aston Martin Rapide S លើគណនី Weibo ដោយសរសេរថា៖ "កាលពីតូច ខ្ញុំស្រមៃចង់បានឡាន ៧គ្រឿង ហើយឥឡូវខ្ញុំនៅខ្វះ១គ្រឿងទៀត។ នាគថ្មី (ឡាន) នឹងមកដល់ក្នុងពេលឆាប់ៗ ដូចនេះខ្ញុំសប្បាយចិត្តណាស់"។

តារាវ័យ ២៤ឆ្នាំបន្តទៀតថា៖ "ប្រសិនខ្ញុំមានថ្ងៃឈប់សម្រាក អ្វីដែលខ្ញុំចង់ធ្វើជាងគេគឺ ថតរូបឡានទាំងអស់របស់ខ្ញុំ។ វាជាអ្វីដែលរំភើបបំផុតក្នុងជីវិត ហើយកាន់តែរីករាយ គឺពេលបើកឡានទាំងនោះដោយដៃខ្ញុំផ្ទាល់ អមដោយការកម្សាន្តអារម្មណ៍ ជាមួយតន្ត្រី”។

ប៉ុន្តែអ្វីដែលធ្វើឲ្យអ្នកគាំទ្រមួយចំនួនមានការមិនពេញចិត្តនោះគឺ នៅពេលលោកភ្ជាប់ជាមួយពាក្យពេចន៍ខ្លះដែលបង្កប់ន័យប្រៀបដូច គ្រប់គ្នាមិនអាចរកលុយទិញឡានដល់ទៅ ៧ដូចលោក។ ប្រការនេះ បានធ្វើឲ្យអ្នកប្រើបណ្ដាញអ៊ីនធឺណិតជាច្រើនរិះគន់ Tao និងអន់ចិត្តនឹងអ្វីដែលលោកបង្ហាញណាស់៕

ចុចអាន៖

ប្រភព៖ Koreaboo ប្រែសម្រួល៖ យី សុធារី