Taylor Swift ធ្វើយ៉ាងម៉េចខ្លះ ទើបនាងនិងគូស្នេហ៍អាចគេចពីអ្នកកាសែតបាន?

2018-02-28 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាមិនសូវឃើញ ចេញទៅក្រៅជាមួយគ្នានិងស្និទ្ធស្នាលនៅទីសាធារណៈជាញឹកញាប់ Taylor Swift និងមិត្តប្រុស Joe Alwyn កំពុងតែស្រលាញ់គ្នាខ្លាំងណាស់។

ប៉ុន្តែតើអ្នកទាំងពីរធ្វើយ៉ាងណាទៅ ទើបទោះបីជារស់នៅឆ្ងាយពីគ្នាម្នាក់រស់នៅអាមេរិក និងម្នាក់រស់នៅប្រទេសអង់គ្លេស? ពួកគេធ្លាប់ត្រូវគេប្រមាញ់បាននៅជាមួយគ្នាម្ដងពេល ចូលរួមកម្មវិធីប្រគំតន្ដ្រី Z100's iHeartRadio Jingle Ball កាលពីខែធ្នូ ប៉ុន្តែក្រៅពីនេះគឺស្ងាត់ឈឹង។

បើតាមប្រភពមួយបានបញ្ជាក់ថា Taylor ចំណាយពេលនៅចក្រភពអង់គ្លេសយ៉ាងច្រើន ជាងមនុស្សភាគច្រើនបានដឹង។ ដើម្បីកុំឲ្យគេចាប់អារម្មណ៍ Taylor បានជិះយន្តហោះឯកជន ព្រមទាំងជិះរថយន្តមានសន្ទះកញ្ចក់ខ្មៅបិទបាំងមិនឲ្យអ្នកខាងក្រៅអាចមើលនាងឃើញបានឡើយ។

នេះដោយសារតែនាង មានសេវាកម្មពិសេសនៅកន្លែងចុះចតយន្តហោះរបស់នាង ដោយគ្រាន់តែប្រគល់ប៉ាសស្ព័រដើម្បីឆែកនៅនឹងកន្លែងតែម្ដង ក្រោយចុះចតហើយក៏ឡើងរថយន្តទៅកាន់សង្សារនាងដោយងាយស្រួល។ ប្រភពនោះបានបន្តទៀតថា Taylor ពិតជាជិតស្និទ្ធនឹងគ្រួសាររបស់សង្សារនាងណាស់ ដោយពួកគេបានចំណាយពេលជាច្រើនជាមួយគ្នា ដូចជាចូលរួមដំណើរកម្សាន្តចុងសប្ដាហ៍រួមគ្នាជាដើម។

Swift នឹងសង្សារ Joe Alwyn ចាប់ផ្ដើមទាក់ទងគ្នាតាំងពីខែឧសភាឆ្នាំមុនមកម្ល៉េះ ប៉ុន្តែនេះគឺជាស្នេហាមួយដែលនាងបិទបាំងស្ទើរទាំងស្រុងពីសំណាក់អ្នកកាសែត៕

អានអត្ថបទ៖

ប្រភព៖ Eonline ប្រែសម្រួល៖ ធារ៉ូ