មិនគួរឲ្យជឿ! របងតាមផ្លូវ ឆក់យកអាយុជីវិតស្ត្រីម្នាក់ស្លាប់យ៉ាងអាណោចអាធ័មបំផុត

2018-03-01 02:39:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីវ័យក្មេងម្នាក់ បានស្លាប់ភ្លាមៗក្រោយពីជាប់កនឹងរបងតាមផ្លូវមួយនៅភាគកណ្ដាលប្រទេស ចិន កាលពីថ្ងៃទី ២៧ ខែកុម្ភៈ។

តាមរបាយការណ៍មួយឲ្យដឹងថា ហេតុការណ៍នេះកើតឡើងក្រោយពីស្ត្រីវ័យខ្ទង់ ២០ ឆ្នាំជំពប់ជើងជាមួយវ៉ាលី រួចទាក់កជាមួយរបងរាងអក្សរ U តែម្ដង។ មុខរបស់ស្ត្រីខាងលើ ប្រែទៅជាពណ៌ស្វាយ និងថប់ដង្ហើម ខណៈចន្លោះរវាងដែករបងមានទំហំពិនបាតដៃប៉ុណ្ណោះ។

រយៈពេល ១៦នាទីក្រោយ ប៉ូលិសខេត្ត Huangpu បានមកដល់កន្លែងកើតហេតុ និងកាត់របងដែកចេញដើម្បីជួយស្ត្រីរងគ្រោះ។ ប៉ុន្តែជាអកុសល ស្ត្រីរូបនេះបានស្លាប់បាត់ទៅហើយ។

រូបភាពនៃហេតុការណ៍ខាងលើ ត្រូវបានចែករំលែកពាសពេញបណ្ដាញសង្គម ហើយបណ្ដាលឲ្យអ្នកប្រើប្រាស់ជាច្រើន បង្ហាញការខឹងសម្បារចំពោះរដ្ឋាភិបាលដែលមិនព្រមដករបងនេះចេញ។ គួរឲ្យដឹងដែរថា របងនេះត្រូវបានប្រើប្រាស់ពាសពេញប្រទេសចិន និងបណ្ដាលឲ្យហេតុការណ៍ស្រដៀងគ្នានេះកើតឡើងជាច្រើនករណីផងដែរ៕