ចំណុចខ្លាំងប៉ុណ្ណេះ បើចង់ទិញកាមេរ៉ា Alpha a9 អាចពិចារណាបាន

2018-03-04 07:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Sony Alpha A9 ផ្ដល់សមត្ថភាពមិនធ្លាប់មាន ពីមុនក្នុងកាមេរ៉ា Mirrorless និង DSLR។ ក្នុងការអភិវឌ្ឍន៍កាមេរ៉ា Sony បាននិយាយថា ខ្លួនសិក្សាពីចំណង់ និងតម្រូវការរបស់អតិថិជន។

A9 ត្រូវបានរចនាជាកាមេរ៉ាប្រភេទ Sports កម្រិតចុងក្រោយ ជាមួយនឹងសមត្ថភាព ២០ Frames ក្នុងមួយវិនាទី និងមុខងារContinuous Autofocus ដែលសម្រេចការងារបានយ៉ាងល្អ។

Stacked Sensor និង Autofocus

A9 បានណែនាំជាមួយនឹង Stacked Full-frame sensor ដំបូងរបស់សកលលោក។ ថ្វីបើ Resolution មិនខ្ពស់ដូច Full-frame sensor ទំហំ ៤២.៤ Megapixels ក្នុងកាមេរ៉ា A7R II តែបច្ចេកវិទ្យា Stacked អាចឲ្យ Sensor ទំហំ ២៤.២ Megapixels របស់ A9 អាចផ្ដល់ល្បឿន ២០ ដង លឿនជាង Sensor ទំហំ ២៤.៣ Megapixels ប្រើបច្ចេកវិទ្យា Non-stacked ក្នុងកាមេរ៉ា A7 II។ A9 អាចពង្រីកកម្រិត ISO នៃ ៥០ ទៅ ២០៤ ៨០០។

ជាមួយនឹង Image Processor Bionz X ថ្មី Sensor អាចថតរូបភាពប្រភេទ RAW ល្បឿន ២០ Frames ក្នុងមួយវិនាទី និងអាចថតបានដល់ទៅ ៣៦២ ដងមុនពេលល្បឿនថតចុះ។ បើប្រៀបធៀប 1D-X Mark II របស់ Canon មានល្បឿនបានតែ ១៤ Frames ក្នុងមួយវិនាទី និង D5 របស់ Nikon មានល្បឿន ១២ Frames ក្នុងមួយវិនាទី។ ក្នុងការសម្រេចល្បឿនបែបនេះ អ្នកត្រូវការប្រើ UHS-II SDXC Card ដើម្បីទទួលបានល្បឿនខ្ពស់បំផុតក្នុងការ Write ទិន្នន័យ។

A9 ប្រើប្រព័ន្ធ Autofocus ថ្មីដោយប្រើ ៦៩៣ Phase-detection AF points ជាមួយនឹង Contrast-detect points ២៥។ PD Points ស្ថិតនៅលើ Sensor និងគ្របដណ្ដប់ ៩៣% នៃ Frame។ ប្រព័ន្ធ Autofocus និង Auto Exposure របស់ A9 អាចចាប់បាន ៦០ ដងក្នុងមួយវិនាទី។

តួកាមេរ៉ា និង Lens ល្អដូចគ្នា។ Sony បានបន្តរីកដុះដាល Lens ប្រភេទ Full-frame E-mount ហើយក៏បានប្រកាស Lens G Master ១០០-៤០០mm ជាមួយនឹងកាមេរ៉ា A9 ផងដែរ។ A9 មានជម្រើស Lens ល្អៗ តែ Lens Full-frame របស់ Sony ហាក់មិនទាន់ល្អខ្លាំង បើប្រៀបនឹង Canon ឬ Nikon។ A9 មានប្រព័ន្ធទប់លំនឹង ៥ អ័ក្ស (Axis) ដែលមានស្ថិរភាពលើ Lens។

ការរចនា និងមុខងារ

A9 ធំ និងធ្ងន់ជាងកាមេរ៉ា A7R II ដែលមានខ្នាតតួ ៥ x ៣.៨ x ២.៥ អ៊ីង និងមានទម្ងន់ប្រហែល ១.៥ ផោន (តួ)។ តួកាមេរ៉ាមានកន្លែង កាន់ (Grip) ធំ និងមានកន្លែងទំនេរ សម្រាប់ថ្មទំហំធំ។

តួកាមេរ៉ាអាចការពារធូលីដី និងសំណើម ត្រូវបានបង្កើតពីធាតុម៉ាញ៉េស្យូម Alloy ដែលធ្វើឲ្យតួរឹងមាំ ហើយស្រាល។

A9 មាន Dials ថ្មីពីរស្រទាប់នៅលើផ្នែកខាងឆ្វេង មួយសម្រាប់ជ្រើសរើស Drive mode (Single, High-, Medium- និង Low-speed continuous, Timer និង Bracketing) និងមួយទៀតសម្រាប់ជ្រើសរើស Focus mode (Single Autofocus, Continuous Autofocus)។

Controls ដទៃទៀតងាយស្រួលប្រើប្រាស់ រួមទាំង Joystick នៅផ្នែកខាងក្រោយ ដែលមានលើកាមេរ៉ា Mirrorless ដំបូងគេរបស់ Sony។

EVF របស់កាមេរ៉ា A9 បង្ហាញមកដូចអ្នកមើលវីដេអូចឹង ពេលថតរូបបន្តបន្ទាប់ (Burst mode)។ Resolution របស់ EVF ជាប្រភេទ OLED កម្រិត ៣ ៦៨៦ dots និងមានអេក្រង់ LCD ៣ អ៊ីង កម្រិត ១ ៤៤០k dots អាចបត់ចុះឡើងបាន។

អ្នកអាចប្រើ SD Card បានពីរ ហើយមួយអាចប្រើប្រភេទកាត UHS-II ងាយស្រួលក្នុងការថតប្រើ File RAW និង JPEG ដាច់ដោយឡែក។

មុខងារ Wi-Fi, NFC និង Bluetooth ជាមុខងារស្តង់ដារលើកាមេរ៉ា ហើយក៏មានរន្ធ Ethernet Port សម្រាប់ភ្ជាប់នឹងខ្សែ ដែលអាចឲ្យអ្នកថតរូប Upload ទៅកាន់ Secured FTP Server លឿន និងងាយស្រួល។

A9 ប្រើថ្មថ្មី មានសមត្ថភាពពីរដង លើថ្មប្រើពីមុនក្នុងកាមេរ៉ាម៉ូដែល Mirrorless និង DSLR របស់ Sony។ A9 អាចថតបាន ៤៨០ សន្លឹក ពេលសាកថ្មប្រើមួយដង។ Sony ក៏ផ្ដល់នូវរន្ធថ្មបន្ថែម អាចប្រើថ្មពីរគ្រាប់ ប៉ុន្តែនៅតែមិនអាចផ្ដួលកាមេរ៉ា DSLR កម្រិតចុងក្រោយ។

គុណភាពរូបភាព

បន្ទាប់ពីថតរូប អ្នកអាចពិនិត្យមើលលើអេក្រង់ LCD តែក៏មិនប្រាកដពីលទ្ធផលចុងក្រោយកំណត់គុណភាពរូបភាពនោះឡើយ។

ការបង្ហាញលើអេក្រង់ Monitor ធំ ឃើញមានពន្លឺ ពណ៌បង្ហាញបានយ៉ាងល្អ។ បញ្ហាតូចមួយបង្ហាញលើអេក្រង់ធំ គឺ Noise ក្នុងស្ថានភាពងងឹត ពេលប្រើ Shutter speed ល្បឿនលឿន។ A9 អាចថតវីដេអូ កម្រិត ៤K បានច្បាស់ល្អ ហើយអ្នកក៏មិនខកបំណងនោះទេ ពេលអ្នកបានប្រើថតវីដេអូអាពាហ៍ពិពាហ៍។