Laptop អនាគតរបស់ Microsoft ពិតជាមិនធម្មតាមែន

2018-03-06 03:34:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាម ឯកសារប៉ាតង់ (Patent Application) ថ្មីមួយឲ្យដឹងថា Microsoft ចង់បង្កើត Device ស្ទិល Laptop ដែលមានបញ្ចូលទាំងសមត្ថភាពអាច Touch និងអេក្រង់បត់បែនបាន។ អេក្រង់នេះ បែងចែកជាបីផ្នែក ដោយបង្កប់ Sensor កំណត់សម្គាល់អេក្រង់មួយណា អ្នកកំពុងប្រើដើម្បីបង្ហាញ Content៖

ផ្នែកខាងលើ បង្ហាញ Content ដែលបានឃើញលើអេក្រង់ Laptop។
ផ្នែកបត់ (Transition) បង្ហាញ Taskbar។
ផ្នែកទីបី បង្ហាញជា Virtual Keyboard។

Device នេះអាចបត់ទិសដៅណាមួយក៏បាន ដោយអេក្រង់ប្រឈមគ្នា ពេលបិទ ឬបើកចេញ។

Device មានស្រទាប់ថ្លាលើអេក្រង់ Touch, អេក្រង់បត់បែនបាន និងត្រចៀកបត់ស្ដើង ដែលអាចជាប្លាស្ទិក, សេរ៉ាមិច, សមាសធាតុ Fiber, លោហៈ ឬធាតុផ្សេងទៀត ត្រង់តំបន់បត់បែន។

Hardware មានបំពាក់ក្នុង Device បត់បែននេះ មាន Processor, Graphics chip, System memory, Storage ជាប់មិនអាចដោះដូរបាន, ប្រព័ន្ធ Wireless និងឧបករណ៍ពាក់ព័ន្ធផ្សេងទៀត។

រូបភាព Diagrams ក៏បង្ហាញទៀតថា មានសមាសធាតុខាងក្រៅតែពីរប៉ុណ្ណោះ មួយនៅខាងលើផ្នែកខាងឆ្វេងនៃ Device របស់ Microsoft និង មួយទៀតនៅផ្នែកខាងឆ្វេងនៃ ត្រចៀក (Hinge)។ តំបន់ទាំងពីរនេះ អាចប្រើសម្រាប់ប៊ូតុង Power, បិទបើកសំឡេង, រន្ធកាស, រន្ធ USB, រន្ធ HDMI និងមានច្រើនទៀត។

Microsoft ជឿថាការរចនានេះ មានភាពល្អប្រសើរជាងស្តង់ដារ Laptop ធម្មតា ឬ 2-in-1 Device។ ឧទាហរណ៍ អ្នកអាចសរសេរកំណត់ចំណាំដៃម្ខាង ដោយប្រើប្រាស់ផ្នែកខាងក្រោមអេក្រង់ ខណៈមើលវីដេអូផ្នែកខាងលើ។ យ៉ាងណាមិញ ក្រុមហ៊ុនក៏បានសម្គាល់ពីផលពិបាកក្នុងការបង្កើត Device ដោយមានអេក្រង់បត់បែនបាននេះផងដែរ។

Device មានអេក្រង់បត់ មានបញ្ហាច្រើន ជាមួយនឹងរូបភាពពេល អេក្រង់បត់ចុះឡើងច្រើនដង ដោយអាចខូច Pixels បង្ហាញពណ៌ខុសប្រក្រតី។ ទាំងនេះ ជាឧបសគ្គក្នុងការរចនា Device ប្រើអេក្រង់បត់នេះ ដែលក្រុមហ៊ុនត្រូវពុះពារ៕