ត្រឹម​តែ​អាយុ ៨ ឆ្នាំ​ចេះ​សរសេរ​កូដ ៣ ភាសា​សុទ្ធ​តែ​ភាសា​អ្នក IT ពិបាក​រៀន(វីដេអូ)

  • 2018-03-08 04:25:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

“Seth Yee" ជា​ឈ្មោះ​ក្មេង​ប្រុស​សញ្ជាតិ​សិង្ហបុរី​ម្នាក់ ដែល​មាន​សមត្ថភាព​ពិសេស​អាច​យល់​ភាសា​កុំព្យូទ័រ​និង​អាច​សរសេរ​កូដ​ទាំង ៣ ភាសា​នោះ​បាន​យ៉ាង​ល្អ​ទៀត​ផង។

កាល​នៅ​អាយុ ១ ឆ្នាំ

Seth Yee ត្រូវ​បាន​ឪពុក​ម្ដាយ​យក​ទៅ​ដាក់​ផ្ញើរ​ឲ្យ​រៀន​នៅ​សាលារៀន​មួយ​ក្នុង​ទីក្រុង​សិង្ហបុរី ប៉ុន្តែ​ដោយ​សារ Seth Yeeមាន​អត្តចរិត​ខុស​ពី​ក្មេង​ដទៃ​ពោល​គឺ រពឹស រំខាន​គេ​ឯង ចូល​ចិត្ត​ធ្វើ​អ្វី​ប្លែកៗ​ ទើប​ធ្វើ​ឲ្យ​គ្រូ​ដែល​បង្រៀន​នៅ​ទីនោះ បាន​ហៅ​ឪពុក Seth Yee មក​ធ្វើ​ការ​ណែ​នាំ​ជា​រឿយៗ។

លោក Ray Yee និង​អ្នក​ស្រី Gao ដែល​ជា​ ឪពុក​ម្ដាយ​បាន​ឲ្យ​ដឹង​ថា រាល​លើក​ពេល​ដែល​យក Seth Yee ទៅ​ផ្សារ​ទំនើប ហើយ​ឲ្យ​រូប​គេ​លេង​ជាមួយ​សម្ភារៈ​ក្មេងៗ​ទាំង​នោះ Seth Yee មិន​ចាប់​អារម្មណ៍​ទេ បែរ​ជា​ទៅ​ចាប់​អារម្មណ៍​ពី​ដំណើរ​ឧបករណ៍​ទាំង​នោះ តើ​វា​ដំណើរ​ការ​យ៉ាង​ម៉េច​នឹង​កើត?

លោក Ray Yee និង​អ្នក​ស្រី Gao

ដោយ​សារ​តែ​​ចរិត​បែប​នេះ​ហើយ នៅ​អាយុ ៤ ឆ្នាំ​លោក Ray Yee និង​អ្នក​ស្រី Gao បាន​យកSeth Yee ទៅ​ធ្វើ​តេស្ត​កម្រិត​ភាព​ឆ្លាត​វៃ ហើយ​លទ្ធផល​ចេញ​មក​សឹង​មិន​គួរ​ឲ្យ​ជឿ គឺ​រូប​គេ​ទទួល​បាន IQ ១៣៤ នឹង​ទទួល​បាន​សញ្ញាប័ត្រ​បញ្ជាក់​កម្រិត​ភាព​ឆ្លាត​វៃ Gifted ពី​វិទ្យាស្ថាន​តេស្ត​ពិភពលោក។

អាយុ ៥ ឆ្នាំ Seth Yee បាន​ចូល​រៀន​ថ្នាក់​វិទ្យាសាស្ត្រ​កុំព្យូទ័រ​ជាមួយ​សិស្ស​បឯម ៦ នាក់​ទៀត​នៅ​ក្នុង​សាលា​ខាង​លើ​ដែល​មិន​បញ្ចេញ​ឈ្មោះ​នោះ។

ដល់​អាយុ ៦ ឆ្នាំ Seth មិន​អាច​បន្ត​រៀន​នៅ​នៅ​សិង្ហបុរី ក៏​ត្រូវ​ឪពុក​ម្ដាយ​គេ​​ផ្លាស់​មក​នៅ​ទីក្រុង​ម៉ែលប៊ន ប្រទេស​អូស្ត្រាលី​វិញ ព្រោះ​ពួក​គេ​ជឿ​ថា កូនប្រុស​ខ្លួន​អាច​សម្រប​បាន​ជាមួយ​នឹង​បរិស្ថាន​អប់រំ​នៅ​អូស្ត្រាលី​បាន​ល្អ​ជាង​នៅ​សិង្ហបុរី។ នៅ​ទីនេះ​ដែរ Seth Yee ចាប់​ផ្តើម​លេង​ហ្គេម​អនឡាញ​មួយ​ឈ្មោះ​ថា Space Flight ដែល​សរសេរ​កូដ​ដោយ​គ្រូ​របស់​គេ​លោក Kieran Nolan ។

លោក Kieran Nolan បាន​លើក​ឡើង​ថា ពិត​ជា​ភ្ញាក់​ផ្អើល​មែន​ទែន ហើយ​លោក​ស្ទើរ​តែ​ឆ្លើយ​ជាមួយ​សំណួរ​គេ​មិន​រួច Seth Yeeឆ្លាត​ខ្លាំង​ណាស់​កម្រិត​ភាព​ឆ្លាត​របស់​គេ​គឺ​កម្រិត Advanced” សម្ដី​លោក Nolan

ពេល​មក​រៀន​នៅ​អូស្ត្រាលី​អាយុ ៨ ឆ្នាំ Seth Yee ចេះ​សរសេរ​ភាសា​កុំព្យូទ័រ ៣គឺ Arduino, JavaScript និង Pyyhon។ ការ​ដែល Seth Yee ចេះ​ភាសា​ពិបាកៗ ៣ នេះ​ដោយសារ​រូប​គេ​ចូល​ចិត្ត ព្យាយាម​រៀន និង​អនុវត្ត​តាម Youtube ដែល​គេ​បង្រៀន​លើ​អនឡាញ។

និយាយ​ក្នុង​បទ​សម្ភាសន៍​ជាមួយ​អ្នក​សារព័ត៌មាន Seth និយាយ​ថា "នៅ​ពេល​ខ្ញុំ​កាន់​កុំព្យូទ័រ​សរសេរ​កូដ មាន​អារម្មណ៍​ថា​ឆាប់​ចាប់​បាន ហើយ​សប្បាយ​ចិត្ត ខ្ញុំ​អាច​យល់​ពី​ទម្រង់​ភាសា​កូដ​ទាំង​នោះ ដែល​អាច​ឲ្យ​ខ្ញុំ​ទំនាក់ទំនង​និយាយ​ជាមួយ​វា​បាន(បញ្ជា)”។

នៅ​ឯ​សាលា​បឯម Wooranna Park ក្នុង​ប្រទេស​អូស្ត្រាលី​លោក Kieran Nolan ដែល​គ្រូ​របស់ Seth Yee បាន​បង្រៀន​រូប​គេ​ពី​ភាសា​កូដ​ជាច្រើន និង​បង្រៀន​ពី​របៀប​បង្កើត​បច្ចេកវិទ្យា Blockchain ផង​ដែរ។

សាលា​នៅ​អូស្រ្តាលី​ទាក់​ចិត្ត​ជាង​នៅ​សិង្ហបុរី

លោក Andrea Morello

Seth Yee បាន​និយាយ​ថា រូប​គេ​អាច​សម្រប​ខ្លួន​បាន​ល្អ​ជាមួយ​សាលា​ថ្មី ជាង​នេះ​ទៀត ​រូប​គេ​ចូល​ចិត្ត​លោកគ្រូ Nolan ដោយ​សារ​របៀប​បង្រៀន​របស់​គាត់​ឡូយ​ណាស់"។ Seth បន្ត​ថា ខ្ញុំ​ចូលចិត្ត​ទៅ​សាលា Wooranna Park ច្រើន​ជាង​សាលា Singapore schools ព្រោះ​តែ​វា​ទាក់​ទាញ ហើយ​ថែម​ទាំង​មាន​គ្រូ​ៗ​ពូកែ​ទៀត​ផង។

សាស្ត្រាចារ្យ​វិទ្យាសាស្ត្រ​លោក Andrea Morello ដែល​បាន​ឃើញ​សមត្ថភាព​ដ៏​អស្ចារ្យ​របស់ Seth Yee លោក​បាន​និយាយ​ថា ប្រសិន​បើ​រូប​គេ​ចង់​ក្លាយ​ជា សាស្ត្រាចារ្យ​វិទ្យាសាស្ត្រ លោក​នឹង​ទទួល​ដៃ​ពីរ។

#ចង់​ដឹង​ច្បាស់ ទស្សនា​វីដអូ​ខាង​ក្រោម៖

ប្រភព៖ Channelnewsasia   ប្រែ​សម្រួល៖ រក្សា