សុខៗ iPhone ងងឹតបើកលែងចេញ កុំទាន់រត់រកជាង សាកល្បង ៤ ចំណុចនេះសិន

2018-03-09 03:00:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ចៃដន្យរាល់ពេលម្ចាស់ iPhone ឃើញទូរសព្ទរបស់ពួកគេងងឹតបើកលែងចេញ ច្រើនគិតថាមកពីបញ្ហាអេក្រង់ រហូតដល់អ្នកខ្លះមានចិត្តចង់ទិញទូរសព្ទថ្មី។ មុនឈានដល់ដំណាក់កាលនោះ Sabay ណែនាំឲ្យសាកល្បងគន្លឹះងាយៗទាំង ៤ ចំណុចនេះសិន។

១.ដោតខ្សែសាកទូរសព្ទ:

ស្តាប់ទៅវាសាមញ្ញបន្តិច ប៉ុន្តែបើជាបញ្ហាថ្ម iPhone ភាគច្រើនគេចមិនផុតទេរឿងនេះ ម្ល៉ោះអ្នកប្រើប្រាស់គួរសាកដោតខ្សែសាករយៈពេល ១៥-៣០ នាទី រហូតដល់អេក្រង់ដំណើរការមកវិញ ឬអាចព្យាយាមចុចប៊ូតុងបើកឲ្យជាប់។ បើនៅដដែល ចូលរំលងទៅជំហានបន្ទាប់។

២. Hard Restart ម៉ាស៊ីន iPhone:

ជាក្បាច់សម្ងាត់ដែលមនុស្សរាល់គ្នាច្រើនរំលង ការ Hard Reset ឧបករណ៍ ពុំបានធ្វើឲ្យបាត់បង់ទិន្នន័យអ្វីទាំងអស់ផ្ទុយទៅវិញ មានតែជួយជួសជុលបញ្ហាលើ iPhone រាប់មិនអស់។

iPhone 7 ឡើង: ចុចប៊ូតុង Sleep/Wake (On/Off) ឲ្យជាប់ព្រមគ្នានឹង Volume Down រហូតដល់លោត Logo Apple
iPhone 6s Plus ចុះ: ចុចប៊ូតុង Sleep/Wake (On/Off) ឲ្យជាប់ព្រមគ្នានឹង Home រហូតដល់លោត Logo Apple។

៣.ជួសជុល Proximity Sensor:

Sensor នេះដំណើរការនៅពេលអ្នកលើក iPhone និយាយ ហើយដាក់ក្បែរត្រចៀកអេក្រង់នឹងចាប់ផ្តើមងងឹត ប៉ុន្តែបើវាមានបញ្ហាជួនកាលអេក្រង់ត្រូវងងឹតឈ្ងប់ជាប់រហូត ដោយដំណោះស្រាយមាន ២ បើជា Software យើងអាចធ្វើការ Reset ម៉ាស៊ីនបានធម្មតា តែបើជា Hardware ត្រូវរត់ទៅរកជាងដើម្បីឲ្យជួយដោះស្រាយ។

ចុចប៊ូតុង Home + Power ឬ Volume Down + Power រហូតដល់ទូរសព្ទ Restart
ពេលនោះអេក្រង់នឹងដំណើរការមកវិញ
ចូលទៅ Settings
ចុចយកពាក្យ General > Reset
រើសយក Reset All Settings (លុបចោលតែការកំណត់គ្រប់យ៉ាងក្នុង Settings ប៉ុន្តែមិនលុបចោលទិន្នន័យ)។

៤.Restore ម៉ាស៊ីន iPhone:

ក្នុងករណី Software ដំណើរការមិនល្អ អ្នកអាចសាកល្បង Restore ឧបករណ៍ ដោយឆ្លងកាត់កម្មវិធី iTunes លើកុំព្យូទ័រ។

ដោត iPhone ទៅកាន់កុំព្យូទ័រ
ដាក់ iPhone ចូល DFU Mode

#ពីម៉ូដែល iPhone 3G ដល់ iPhone 6s Plus : សូមចុចប៊ូតុង Home + Power ឱ្យជាប់ ៧ វិនាទី លុះងងឹតអេក្រង់ ប្រលែងប៊ូតុង Power រក្សាម្រាមដៃលើប៊ូតុង Home ( ៤ វិនាទី) ដល់ងងឹតអេក្រង់ឈឹង

#ចំពោះ iPhone 7/7 Plus : សូមចុចប៊ូតុង Volume Down + Power ឱ្យជាប់ ៧ វិនាទី លុះងងឹតអេក្រង់ ប្រលែងប៊ូតុង Power រក្សាម្រាមដៃលើប៊ូតុង Volume Down ( ៤ វិនាទី) ដល់ងងឹតអេក្រង់ឈឹង