គូស្នេហ៍តារាកូរ៉េ ៦គូកំពុងល្បីខ្លាំង ខណៈខាងប្រុសអាយុបងខាងស្រីជាង ១ទសវត្សរ៍
- 2018-03-11 07:08:49
- ចំនួនមតិ 0 | ចំនួនចែករំលែក 0
គូស្នេហ៍តារាកូរ៉េ ៦គូកំពុងល្បីខ្លាំង ខណៈខាងប្រុសអាយុបងខាងស្រីជាង ១ទសវត្សរ៍
ចន្លោះមិនឃើញ
គ្រប់គ្នាតែងនិយាយថា ស្នេហាធ្វើឲ្យងងឹតងងុល ហេតុនេះទោះបីដៃគូមានវ័យច្រើនជាងឆ្ងាយយ៉ាងណា នោះមិនមែនជាបញ្ហាឡើយ។ ចំពោះគូស្នេហ៍តារាមួយចំនួន អាយុគ្រាន់តែជាតួលេខប៉ុណ្ណោះ សំខាន់ចិត្តស្មោះដែលសាមីខ្លួនទាំងសងខាងមានឲ្យគ្នា។
តួយ៉ាងដូចគូស្នេហ៍តារាកូរ៉េខាងក្រោមជាដើម ខាងប្រុសសុទ្ធតែមានអាយុច្រើនជាង ខាងស្រីដល់ទៅជាង ១០ឆ្នាំ ប៉ុន្តែស្នេហារបស់ពួកគេនៅតែស្រស់បំព្រង។
១. តារាសម្ដែង Lee Jung Jin និងតារាចម្រៀង Euaerin
Jung Jin មានវ័យច្រើនជាង Euaerin 10 ឆ្នាំ ហើយស្នេហាពួកគេកើតឡើងតាមរយៈការណែនាំរបស់មិត្តភ័ក្ដិទាំងសងខាង។
២. លោក Yang Hyung Suk និង តារាចម្រៀង Lee Eun Joo
សម្រាប់គូស្នេហ៍គូនេះវិញមាន ខាងប្រុសអាយុបង ខាងស្រី ១២ឆ្នាំ។ បើតាមព័ត៌មានបានឲ្យដឹងថា លោក Yang Hyung Suk តាមលួចស្នេហ៍ Eung Joo ៣ឆ្នាំឯណោះ ទម្រាំដាច់ចិត្តសារភាពស្នេហ៍ប្រាប់នាង។ អ្នកទាំង ២បានទាក់ទង មើលចិត្តថ្លើមគ្នាអស់រយៈពេល ៩ឆ្នាំ មុនឈានដល់ថ្ងៃរៀបការ កាលពីឆ្នាំ ២០១០។
៣. តារាសម្ដែង Lee Byung Hun និង Lee Min Jeong
តារាសម្ដែងប្រុសដែលមានអាយុ ៤៧ឆ្នាំ និងគូស្នេហ៍តារាសម្ដែងវ័យ ៣៦ឆ្នាំនេះបានប្រកាសពីទំនាក់ទំនងជាផ្លូវការនៅក្នុងឆ្នាំ ២០១២។ ក្រោយមក ១ឆ្នាំ ពួកគេក៏សម្រេចកាន់ដៃគ្នាចូលរោងការ ហើយក្នុងឆ្នាំ ២០១៦ កូនប្រុសដំបូងរបស់ពួកគេក៏បានប្រសូត។
៤. តារាសម្ដែង Lee Dong Wook និង Suzy
ទំនាក់ទំនងស្នេហារបស់តារាសម្ដែងមុខមានមន្តស្នេហ៍វ័យ ៣៦ឆ្នាំ Lee Dong Wook និង Suzy វ័យ ២៣ឆ្នាំ ត្រូវបានប្រកាសជាផ្លូវការកាលពីពេលថ្មីៗនេះ ដែលបានធ្វើឲ្យបណ្ដាញសារព័ត៌មានគ្រប់ទិសទីនាំគ្នាចុះផ្សាយព្រាត។ គូស្នេហ៍វ័យខុសគ្នា ១៣ឆ្នាំនេះ បានបង្កឲ្យអ្នកគាំទ្រខ្លួនមានការភ្ញាក់ផ្អើលមិនធម្មតា ពេលអ្នកតំណាងផលិតកម្មទាំងសងខាង ប្រកាសទទួលស្គាល់ពីស្នេហាពួកគេ។
៥. តារាចម្រៀង Ha Hyun Woo និង Heo Youngji
Ha Hyun Woo ក៏មានអាយុបង Heo Youngji ១៣ឆ្នាំ ដូចគូស្នេហ៍ Dong Wook និង Suzy ដែរ។ ប៉ុន្តែទោះអាយុបងប្អូនគ្នាឆ្ងាយបែបនេះមែន ក៏ស្នេហារបស់ពួកគេល្អូកល្អិន និងមានក្ដីសុខដែរ។
៦. តារាចម្រៀង Moon Hee Jun និង Soyul
គូស្នេហ៍ដែលខាងប្រុសមានអាយុបងខាងស្រី ១៣ឆ្នាំ គូនេះបានរៀបអាពាហ៍ពិពាហ៍នឹងគ្នាកាលពីខែកុម្ភៈឆ្នាំ ២០១៧ ក្រោយទាក់ទងគ្នាអស់រយៈពេលជាច្រើនខែ។ ក្រោយមកនៅខែឧសភា ឆ្នាំដដែល ពួកគេបានទទួលចំណងដៃកូនស្រីម្នាក់ដ៏គួរឲ្យស្រឡាញ់៕
ចុចអាន៖
គូស្នេហ៍តារាល្បីប្រចាំអាស៊ី ១៦គូ ស្រលាញ់គ្នាប្ដូរផ្ដាច់ ទោះខាងស្រីអាយុច្រើនជាងក្តី
ព័ត៌មានស្នេហា Lee Dong Wook និង Suzy កំពុងកក្រើកពេញទឹកពេញដី