៦ឃ្លា បើហ៊ាននិយាយទៅស្វាមីរាល់ថ្ងៃ ដឹងតែប្ដីស្រលាញ់ខ្លាំងជាងកាលនៅក្រមុំទៀត

2018-03-11 08:28:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ជីវិតក្រោយរៀបការហើយ គឺត្រូវរួមរស់ជាមួយគ្នា និងត្រូវយល់ចិត្តគ្នាបំផុត ទើបគ្រួសារមានសុភមង្គល។ ចំណែកឯការប្រាស្រ័យទាក់ទងកាន់តែសំខាន់ ពាក្យសម្ដីផ្អែមល្ហែមដាក់គ្នារាល់ថ្ងៃ នឹងធ្វើឲ្យជីវិតប្ដីប្រពន្ធកាន់តែរសជាតិទ្វេឡើង។ ខាងក្រោមនេះ ជាប្រយោគ៦ឃ្លា ភរិយាគួរនិយាយទៅកាន់ស្វាមីរាល់ថ្ងៃ៖

រូបតំណាង

**១. ទោះការងាររវល់យ៉ាងណាបងកុំភ្លេចគិតពីសុខភាពផងណា៖** មួយឃ្លានេះភរិយាអាចនិយាយទៅ កាន់ស្វាមីពេលព្រឹកឡើង មុនរៀបចេញទៅធ្វើការនឹងធ្វើឲ្យស្វាមីរំជួលចិត្តខ្លាំងមិនធម្មតាឡើយ។ ការពោលពាក្យបែបនេះទៅស្វាមី គឺជាការបង្ហាញអំពីការព្រួយបារម្ភ និងការខ្វល់ពីសុខទុក្ខស្វាមី។

២. បងជាមនុស្សពូកែជាងគេលើលោក៖ ពេលស្វាមីមានរឿងមិនសប្បាយចិត្តដោយសាររឿងការងារ ឬអ្វីក៏ដោយ ភរិយាគួរតែនិយាយពាក្យមួយឃ្លានេះ ដើម្បីជាលើកទឹកចិត្តស្វាមីឲ្យបោះជំហានទៅមុខទៀត មិនត្រូវចុះចាញ់ឡើយ។

៣. អូននៅពីក្រោយខ្នងចាំលើកទឹកចិត្តគ្រប់ពេលណា៖ កម្លាំងចិត្ត គឺពិតជាសំខាន់ទោះស្វាមីធ្វើការហត់នឿយប៉ុណ្ណាក៏ដោយ ប៉ុន្តែបើបានឮមួយប្រយោគនេះពីភរិយានឹងធ្វើឲ្យមានទឹកចិត្តកាន់តែអង់អាចឡើង។

រូបតំណាង

៤. បងនៅតែជាបុរសសង្ហាជាងគេបំផុតសម្រាប់អូន៖ ដោយសារហត់នឹងការងារពេលខ្លះស្វាមីអាចបាត់បង់ភាពស្រស់សង្ហាខ្លះ មិនដូចកាលនៅកំលោះឡើយ។ ដូច្នេះហើយបើភរិយានិយាយលើកសរសើរបែបនេះ ស្វាមីនឹងសប្បាយចិត្ត ហើយកាន់តែស្រលាញ់ភរិយាខ្លាំងឡើង។

៥. មានបងជាបង្គោលគ្រួសារអូន និងកូនពិតជាកក់ក្ដៅណាស់៖ មុនពេលរៀបចូលគេងគួរស្វាមីភរិយាភាគច្រើនតែងនិយាយពីនេះពីនោះប្រាប់គ្នា មានទាំងរឿងសប្បាយ និងកើតទុក្ខ ប៉ុន្តែនៅវគ្គបញ្ចប់ភរិយាកុំភ្លេចនិយាយបែបនេះឲ្យសោះ។

៦. ថ្ងៃនេះបងចង់ពិសាម្ហូបអ្វីដែរ? ៖ ជាពាក្យសាមញ្ញបំផុត តែភរិយាមួយចំនួនអាចមិនសូវប្រើនោះទេ ហើយគិតថាគ្មានអ្វីចាំបាច់។ ផ្ទុយមកវិញ បើសួរបែបនេះពេលស្វាមីរៀបចេញទៅធ្វើការ នឹងធ្វើឲ្យគេពេញចិត្តបំផុត ព្រោះនេះជាការបង្ហាញពីក្ដីស្រលាញ់ទៅស្វាមី សូម្បីរឿងម្ហូបអាហារក៏យកចិត្តទុកដាក់មិនធម្មតាឡើយ៕

ចុចអាន៖

អត្ថបទ៖ វឌ្ឍនៈ