Amazon ប្រដេញ Apple កាន់តែកៀក ប្រជែងគ្នាយកតម្លៃខ្លួន ១ (Trillion) ដុល្លារ

2018-03-12 02:04:41
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ននរណាក៏ដឹង Apple ជាក្រុមហ៊ុនមានតម្លៃថ្លៃបំផុតក្នុងពិភពលោក ប៉ុន្តែជើងខ្លាំងនៅដីអាមេរិកតែមួយ Amazon ក៏បង្ហើបពីគោលជំហររឹងមាំចង់ផ្ដួលក្រុមហ៊ុនលោក Tim Cook។ ផ្អែកតាមសារព័ត៌មាន Reuters ក្រុមហ៊ុនបម្រើសេវាពាណិជ្ជកម្មអេឡិចត្រូនិក (E-commerce) មួយនេះ កំពុងប្រកៀកប្រកិតជាមួយក្រុមហ៊ុនផលិត iPhone ហើយក៏កាន់តែជិតឈានដល់តម្លៃទីផ្សារ ១ Trillion ដុល្លារ ។

រូបតំណាងលោក Jeff Bezos

មុននេះបន្តិច Apple ទើបប្រារព្ធខួប ១០ ឆ្នាំនៃការលក់ iPhone X ហើយភាគហ៊ុនបានកើន ២៤ ភាគរយ ជំរុញឲ្យមូលធនទីផ្សាររបស់ខ្លួនបច្ចុប្បន្នមានដល់ **៨៩៣ ពាន់លានដុល្លារ** ។ ស្របពេល Amazon មានត្រឹម **៧៥២ ពាន់លានដុល្លារ** ប៉ុន្តែភាគហ៊ុនកន្លងមកកើនបាន ៨៣ភាគរយ ជាហេតុជំរុញឲ្យក្រុមហ៊ុនកាន់កាប់ដោយលោក Jeff Bezos រំពឹងផ្តួល Apple នារដូវក្តៅឬអំឡុងត្រីមាសទី ៣ ឆ្នាំ ២០១៨។

ធៀបនឹងពិភពលោកសព្វថ្ងៃចំនួនអ្នកទិញទំនិញលើ Online កាន់តែមានការកើនឡើង ប៉ុន្តែចំនួនអតិថិជនសម្រេចចិត្តទិញយក iPhone ថ្លៃ ១ ពាន់ដុល្លារគឺពុំមានច្រើននោះទេ កត្តានេះហើយក៏ជាភាពជោគជ័យមួយផ្សេងទៀតរបស់ក្រុមហ៊ុនធំៗរួមមាន Amazon ជាដើម។