MVបទ "Delicate” របស់ Taylor Swift ធ្វើឡើងសម្រាប់មិត្តប្រុសនាង?

2018-03-12 02:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត វីដេអូបទចម្រៀងថ្មី "Delicate” របស់តារាចម្រៀង Taylor Swift បានចេញជាផ្លូវការហើយ។ បទចម្រៀងនេះដែរចេញចាក់ជាផ្លូវការដំបូងអំឡុងកម្មវិធីពានរង្វាន់ iHeartRadio ឆ្នាំ២០១៨ដែលធ្វើឡើងកាលពីថ្ងៃអាទិត្យ ទី១១ ខែមិនានេះ។

មុនពេលវីដេអូបទចម្រៀងនេះបានចេញជាផ្លូវការនោះ អ្នកគាំទ្ររបស់តារាចម្រៀងរូបនេះជាច្រើនបានដាក់ការសង្ស័យថាបទនេះអាចនឹងនិយាយពីមិត្តប្រុសរបស់នាងបច្ចុប្បន្ននេះ។

ដោយហេតុផលមួយគឺ ក្នុងប៉ារូលបទចម្រៀងមួយឃ្លារបស់នាងសរសេរថា៖ "Dark jeans and your Nikes, look at you. Oh damn, never seen that color blue” អាចធ្វើឲ្យអ្នកគាំទ្ររឹតតែស្មានខ្លាំងជាងមុនទៀតថាបទថ្មីនេះ គឺសម្រាប់មិត្តប្រុសថ្មីរបស់តារាចម្រៀង Taylor Swift ព្រោះថា កាលពីប៉ុន្មានថ្ងៃមុនពួកគេបានកាន់ដៃគ្នាដើរឡើងភ្នំនៅកោះ Malibu។ ហើយតារាសម្ដែង Joe Alwyn បានស្លៀកពាក់ដូចទៅនឹងអ្វីដែលបានរៀបរាប់ក្នុងបទចម្រៀងនោះ។

ប៉ុន្តែនៅពេលដែលវីដេអូបានចេញមកភ្លាម អ្នកគាំទ្រគិតថាវីដេអូមួយនេះគឺឆ្លុះបញ្ចាំងពីតារាចម្រៀង Taylor Swift កាលពីមុន។ វាបង្ហាញពីអ្វីដែលនាងចង់ធ្វើដោយមិនគិតពីអ្វីទាំងអស់ ដូចក្នុងវីដេអូបានបង្ហាញស្រាប់ នាងរាំពត់ពែនខ្លួនដោយមិនខ្វល់ពីនរណាមើលមកលើនាងនោះឡើយ៕