Busquets ប្រាប់មូលហេតុ ហេតុអ្វី Messi មិនទៅលេងក្លឹបនៅអង់គ្លេស
- 2018-03-14 02:10:06
- ចំនួនមតិ 0 | ចំនួនចែករំលែក 0
Busquets ប្រាប់មូលហេតុ ហេតុអ្វី Messi មិនទៅលេងក្លឹបនៅអង់គ្លេស
ចន្លោះមិនឃើញ
មិត្តរួមក្រុម Sergio Busquets បានស្រាយចម្ងល់ថា Messi នឹងមិនអាចផ្លាស់នៅក្លឹបនៅ Premier League ពីព្រោះតែគេមានអ្វីៗគ្រប់យ៉ាងនៅ Barcelona។
Lionel Messi បានត្រលប់មកចូលរួមហ្វឹកហាត់វិញហើយកាលពីម្សិលមិញ ក្រោយសម្រាកមើលថែភរិយាសម្រាលកូនទី៣។ កីឡាករអាហ្សង់ទីន នឹងមានភារកិច្ចនៅយប់នេះ ដើម្បីជួយ Barca លេងទល់នឹងជើងខ្លាំង Chelsea ក្នុងជើងទីពីរ Champions League ខណៈជើងទីមួយស្មើគ្នា ១-១។
មុនការប្រកួតមកដល់ Sergio Busquets ត្រូវបានសាកសួរ ហេតុអ្វី Messi មិនព្រមផ្លាស់ទៅលេងនៅ Premier League ម្ដង? កីឡាករអេស្ប៉ាញបានតបនឹងសំនួរថា៖ "ពេលដែលអ្នកនៅកន្លែងមួយដែលមានអារម្មណ៍ជាផ្ទះអ្នក ហើយអ្នកឈ្នះពានក្នុងក្លឹប និងខ្លួនឯងជាច្រើន ដូច្នេះការចាកចេញទៅកន្លែងផ្សេងពិតជាពិបាក"។
Busquets បន្តថា៖ "ពួកយើងដឹងថា Premier League គឺជាលីកដ៏អស្ចារ្យ ប៉ុន្តែ គេ (Messi) មានអ្វីៗគ្រាប់យ៉ាងនៅទីនេះ គេនឹងមិនអាចរកទ្រនំថ្មីផ្សងទេ"។ Messi ទើបតែទទួលសមាជិកថ្មីដែលជាកូនទីបីមានឈ្មោះថា Ciroជាមួយភរិយា Antonella៕