ដំណឹងថ្មីថា Nokia 9 ក៏មានក្បាលឆកដែរ

2018-03-14 02:22:18
ចំនួនមតិ 0 | ចំនួនចែករំលែក 0

ចន្លោះមិនឃើញ

វិបសាយ Nokia Power User បានចេញផ្សាយដំណឹងដែលអះអាងថាទទួលបានអំពីប្រភពគួរទុកចិត្តមួយពីប្រទេសចិន ពាក់ព័ន្ធនឹង Nokia 9 ដែលគេរំពឹងថានឹងប្រកាសចេញនាខែកញ្ញាខាងមុខ។

ផ្អែកតាមប្រភពខាងលើ ឲ្យដឹងថា Nokia 9 នឹងមានទ្រនាប់ស្កេនម្រាមដៃក្រោមផ្ទៃអេក្រង់ ហើយអេក្រង់ផ្នែកខាងមុខនឹងមានស្នាមគន្លាក់ថែមទៀតផង ដែលអាចមានលក្ខណៈស្រដៀងនឹង iPhone X។

រូបភាព Render Nokia 9 និង Nokia 7 Plus

តាមរយៈដំណឹងលេចធ្លាយនេះ រូបភាព Render របស់ Nokia 9 ត្រូវបានបង្កើតឡើង ដោយមានស៊ុមអេក្រង់ស្ដើង និងមានតួខ្លួនដែលដូចគ្នានឹង Nokia 7 Plus។

ចាប់តាំងពី Apple បង្ហាញចេញ iPhone X ដែលមានអេក្រង់ឆក វាបានក្លាយជាទំនោរពេញនិយមមួយសម្រាប់ក្រុមហ៊ុនផលិតស្មាតហ្វូនដទៃ។ ជាក់ស្ដែងនៅក្នុងកម្មវិធី MWC ឆ្នាំ ២០១៨ មានស្មាតហ្វូនអេក្រង់ឆកមិនតិចទេ បានបង្ហាញវត្តមាន។ ហេតុនេះការដែលក្រុមហ៊ុន HMD Global សម្រេចចិត្តប្រើរចនាបថក៏មិនមានអ្វីគួរឲ្យភ្ញាក់ផ្អើលនោះទេ៕

ចុចអាន៖

ប្រភព៖ VNReview ប្រែសម្រួល៖ សុខហេង