ច្បាស់មែនទែនហើយ! John Cena ទទួលស្គាល់ថាលោកជាអ្នកគាំទ្រក្រុម BTS ពិតមែន
- 2018-03-15 03:30:00
- ចំនួនមតិ 0 | ចំនួនចែករំលែក 0
ច្បាស់មែនទែនហើយ! John Cena ទទួលស្គាល់ថាលោកជាអ្នកគាំទ្រក្រុម BTS ពិតមែន
ចន្លោះមិនឃើញ
តារាកីឡាកាសដ៏ល្បី John Cena បានទទួលស្គាល់ថាលោកគឺជាអ្នកគាំទ្រក្រុមចម្រៀង BTS មួយរូបពិតមែន។
កាលពីមុន តារាកីឡាកាសរូបនេះបានឲ្យតម្រុយពីការស្រឡាញ់ចូលចិត្តក្រុមចម្រៀងមួយក្រុមនេះដោយលោកចៃដន្យបានចែកចាយរូបភាពរបស់តារាចម្រៀង J-hope លើគណនី Instagram។ ទោះបីជាមនុស្សជាច្រើនបានប្រាកដក្នុងចិត្តថា John Cena ពិតជាអ្នកគាំទ្ររបស់ក្រុមតារាចម្រៀងនេះក្ដី ក៏ប៉ុន្តែអ្វីៗមិនប្រាកដ ១០០ ភាគរយនោះទេ ព្រោះថានៅក្រោមរូបភាពដែលលោកបានចែកចាយនោះមិនមានសរសេរពាក្យពេចន៍អ្វីបញ្ជាក់ឲ្យច្បាស់នោះទេ។
ប៉ុន្តែពេលនេះ អ្វីៗបានប្រាកដច្បាស់ថាលោកពិតជាអ្នកគាំទ្រក្រុម BTS មួយរូបពិតប្រាកដមែន ដោយតារាកីឡាកាសរូបនេះ បានបញ្ជាក់ដោយរូបលោកផ្ទាល់។
ក្នុងកិច្ចសម្ភាសន៍មួយជាមួយ Metro.co.uk លោក John Cena ត្រូវបានសួរពាក់ព័ន្ធនឹងរឿងដែលថាលោកជាអ្នកគាំទ្រ BTS ប្រាកដមែនឬអត់ ហើយលោកបានឆ្លើយថា៖ "ឃើញទេ ប្រសិនបើខ្ញុំពន្យល់ វាអាចនឹងប្រឆាំងនឹងគោលបំណង។ ទោះជាយ៉ាងណាខ្ញុំអាចនិយាយបានថា បទ 'Base Line' ជាបទមួយក្នុងអាល់ប៊ុម mixtape របស់ J-hope ដែលខ្ញុំចូលចិត្ត។ ខ្ញុំក៏ចូលចិត្តបទ 'Hangsang' ផងដែរ"។
តារាកីឡាកាសរូបនេះបានបន្តថា៖ "អ្វីដែលចាប់ផ្ដើមជាការរីករាយដោយចៃដន្យបានក្លាយទៅជាអ្វីដែលអស្ចារ្យ។ ខ្ញុំត្រូវបានណែនាំឲ្យស្គាល់នូវវប្បធម៌ថ្មីមួយទៀត ដែលខ្ញុំគិតថាវាពិតជាអស្ចារ្យណាស់ ព្រោះខ្ញុំបានសិក្សាពីវាតាមរយៈបណ្ដាញសង្គម។ វាជារឿងមួយដ៏កម្រ ដូច្នេះហើយខ្ញុំរីករាយនឹងនិយាយថា ពិតណាស់ ខ្ញុំក៏ជាអ្នកគាំទ្រពួកគេមួយរូបដែរ"៕
ចុចអាន៖
អាជីពជាអ្នកកីឡាកាសមែន តែតាមពិត Jonh Cena ក៏ជាអ្នកគាំទ្ររបស់ BTS ដែរ
Backstreet Boys បញ្ជាក់ថាពួកគេជាអ្នកគាំទ្រ BTS ពេញទំហឹង