បទ “We Can't Stop” របស់ Miley Cyrus ត្រូវតារាម្នាក់ប្ដឹងថាលួចអត្ថន័យពីបទចម្រៀងខ្លួន

2018-03-15 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសញ្ជាតិ Jamaica ម្នាក់បាននិយាយថា Miley Cyrus គួរតែបញ្ឈប់រកចំណូលបានពីបទ "We Can't Stop” ព្រោះបទនេះគឺដកស្រង់ចេញពីអត្ថន័យរបស់បទចម្រៀងខ្លួនបញ្ចេញកាលពីឆ្នាំ ១៩៨៨។

តារាចម្រៀងនេះមានឈ្មោះថា Flourgon ហើយនៅក្នុងពាក្យបណ្ដឹងរបស់លោកបញ្ជាក់ថា បទចម្រៀងរបស់ Miley ដែលបានបញ្ចេញកាលពីឆ្នាំ ២០១៣ ប្រើប្រាស់គន្លឹះពីបទចម្រៀងលោក "We Run Things"ជាច្រើន។ ជាក់ស្ដែងបទនេះមិនដែលជាប់ចំណាត់ថ្នាក់អ្វីនៅសហរដ្ឋអាមេរិកឡើយ ហើយព្រមទាំងបានបញ្ចេញ ៤ឆ្នាំមុនពេល Miley កើត។

នៅក្នុងឯកសារបណ្ដឹងនោះ Flourgon មិនសំដៅទៅលើបទភ្លេងនិង ទំនុកច្រៀងនោះទេ ប៉ុន្តែផ្ដោតសំខាន់ទៅលើ អត្ថន័យនៃបទចម្រៀងទៅវិញ គឺអំពីសារដែលឲ្យអ្នកស្ដាប់រស់នៅនិងជប់លៀងសប្បាយដោយគិតថាខ្លួនជាម្ចាស់ការលើអ្វីទាំងអស់ដូចឃ្លាមួយថា "We Run Things” ចំណែកឯឃ្លាក្នុងបទ Miley គឺ "We Run Things, Things Don't Run We”។

តារារូបនេះប្ដឹង Miley Cyrus និងផលិតកម្មចម្រៀង Sony នូវទឹកប្រាក់ ៣០០លានដុល្លារ ដែលបានមកពីការចែកចាយ សម្ដែង និងលក់បានពីបទនេះ៕

បទចម្រៀងរបស់លោក Flourgon៖