កាមេរ៉ាខ្នាតតូចកូនកាត់ GoPro តម្លៃតែជាង ៥០ ដុល្លារទេ មានអ្នកត្រូវការអត់?
- 2018-03-16 01:55:14
- ចំនួនមតិ 0 | ចំនួនចែករំលែក 0
កាមេរ៉ាខ្នាតតូចកូនកាត់ GoPro តម្លៃតែជាង ៥០ ដុល្លារទេ មានអ្នកត្រូវការអត់?
ចន្លោះមិនឃើញ
Xiaomi កំពុងស្ថិតក្នុងគម្រោងត្រៀមចេញលក់កូនកាមេរ៉ាខ្នាតតូចឲ្យឈ្មោះ Small Silent AI ដែលមានតម្លៃត្រឹម ៣៤៩ យន់ ឬក្បែរ ៥៥ ដុល្លារ។ មុខងារពិសេសរបស់កូនកាត់ GoPro ម៉ូឌែលនេះ អាចគាំទ្រការបញ្ជាដោយកាយវិការនិងប្រើផ្ទៃមុខមនុស្ស។
ឆ្លងកាត់បច្ចេកវិទ្យា Artificial Intelligence តួខ្លួនក៏បញ្ចូលសារធាតុម៉ាញេទិចមកពីនាយ អាចឆក់ជាប់ទៅកាន់ឧបករណ៍លោហធាតុណាមួយបានយ៉ាងងាយស្រួល។ ប្រើ Sensor កាមេរ៉ា BSI របស់ SAMSUNG មានទំហំ 13MP គាំទ្រមុខងារ Phase Detection Auto-Focus និងល្បឿនចាប់យក ០,៣ វិនាទី បន្សំ Aperture f/2.2។
ដំណើរការលើអង្គគណនា Quad-Core Cortex A53 រត់នៅល្បឿន ១,៣GHz ដោយមានអង្គផ្ទុក 8GB បន្ថែមរន្ធដោត microSD ហើយរាល់រូបភាពដែលផ្តិតចេញមក អ្នកក៏អាចផ្ទេរចូលទៅកាន់ស្មាតហ្វូន។
បច្ចេកវិទ្យា AI បានជំរុញឲ្យកូនកាមេរ៉ាមួយនេះ មានភ្ជាប់នូវមុខងារ Beauty Effect ជួយលើកសម្រស់អ្នកថតស្អាតបែបធម្មជាតិ អមទំហំខ្លួនស្រាលត្រឹម ៦៥ ក្រាម និងថាមពលថ្ម ៩១០mAh។ តាមការរំពឹងទុក Small Silent AI Camera នឹងចាប់ផ្តើមដាក់លក់ចាប់ពីថ្ងៃទី ១៥ មេសា តទៅក្នុងទីផ្សារប្រទេសចិន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ជនជាតិអាស៊ីហ៊ានដាក់តម្លៃកប់ ដេញថ្លៃបាន កាមេរ៉ា Leica ផលិតតាំងពី ៩៥ ឆ្នាំមុន
YouTube បន្ថយម៉ោងធ្វើការត្រឹម ៤ ម៉ោង ដល់បុគ្គលិកធ្វើការក្រៅម៉ោង